The news is by your side.

Advertisement

چیف جسٹس لاہور ہائی کورٹ نے سیشن کورٹ میں قتل کا نوٹس لے لیا

لاہور: چیف جسٹس لاہور ہائی کورٹ محمد قاسم خان نے سیشن کورٹ میں قتل کا نوٹس لے لیا۔

تفصیلات کے مطابق چیف جسٹس لاہور ہائی کورٹ نے سیشن کورٹ میں قتل کا نوٹس لیتے ہوئے آئی جی پنجاب اور سیشن جج لاہور سے وضاحت طلب کر لی۔

چیف جسٹس لاہور ہائی کورٹ کی منظوری کے بعد رجسٹرار نے مراسلہ بھجوا دیا۔مراسلے میں سیشن کورٹ میں 10 اگست کو سائل کے قتل کی رپورٹ 4 روز میں دینے کا حکم دیا گیا ہے۔

چیف جسٹس لاہور ہائی کورٹ محمد قاسم خان نے عدالتوں کی سیکیورٹی یقینی بنانے کا بھی حکم دیا ہے۔

خیال رہے کہ گزشتہ روز سیشن کورٹ لاہور میں عبوری حمانت کے لیے آنے والے نوجوان کو فائرنگ کر کے قتل کر دیا گیا تھا۔احاطہ عدالت میں قتل کے بعد ملزم کے فرار نے پولیس کی کارکردگی پر سوال اٹھا دیے۔

لاہور: سیشن کورٹ کے احاطے میں فائرنگ‘ نوجوان قتل

یاد رہے کہ گزشتہ سال 9 فروری کو لاہور کی سیشن کورٹ میں تین موٹرسائیکل سواروں نے فائرنگ کرکے نوجوان کو قتل کر دیا تھا، ملزمان جائے وقوعہ سے باآسانی فرار ہونے میں کامیاب ہوگئے تھے۔

Comments

یہ بھی پڑھیں