The news is by your side.

Advertisement

لاہور : چیف جسٹس کا فاؤنٹین ہاؤس کا دورہ مریضوں کو دی جانے سہولیات کا جائزہ لیا

لاہور : چیف جسٹس میاں محمد ثاقب نثار نے لاہور میں فاؤنٹین ہاؤس کا دورہ کیا، ان کے ہمراہ ان کی صاحبزادی بھی موجود تھیں، چیف جسٹس نے مریضوں کا دی جانے والی سہولیات کا جائزہ لیا۔

تفصیلات کے مطابق لاہور میں قائم فاؤنٹین ہاؤس کا چیف جسٹس ثاقب نثار نے اپنے بیٹی کے ہمراہ دورہ کیا، انہوں نے فاؤنٹین ہاؤس کے مختلف وارڈز کا دورہ کیا، اس موقع پر چیف جسٹس ثاقب نثار نے وارڈز میں مریضوں کی خیریت دریافت کی۔

ایک مریضہ نے چیف جسٹس سے پرفیوم کی خواہش ظاہر کی جس پر چیف جسٹس نے اپنی بیٹی کو مریضہ کو پرفیوم، چوڑیاں فراہم کرنے کی ہدایت کی۔

چیف جسٹس نے ایک ایم ایس سی کیمسٹری مریضہ سے گفتگو بھی کی، چیف جسٹس نے مریضہ سے دریافت کیا کہ آپ کس فیملی سے تعلق رکھتی ہیں، آپ سے کوئی ملنے آتا ہے؟ مریضہ نے جواب دیا کہ میں 30جون کو اپنے گھر واپس چلی جاؤں گی۔

چیف جسٹس نے دیگر مریضوں سے معلومات لیں اوران کی جلد گھروں کو واپسی کی دعا کی، چیف جسٹس آف پاکستان میاں محمد ثاقب نثار نے فاؤنٹین ہاؤس کو ایک لاکھ روپے کا عطیہ کرنے کے ساتھ ساتھ تمام خواتین مریضوں کو چوڑیاں اور پرفیوم دینے کا حکم بھی دیا۔

دورے کے موقع پر انہوں نے کہا کہ فاؤنٹین ہاؤس میں مریضوں کے لئےانتظامات سے مطمئن ہوں، ہمیں اپنے مریضوں کا خیال رکھنا چاہئے۔

Comments

comments

یہ بھی پڑھیں