لاہور:‌چیف جسٹس کا شیخ زید اسپتال کا دورہ، مریضوں نے شکایات کے انبار لگا دیے Chief justice
The news is by your side.

Advertisement

لاہور:‌چیف جسٹس کا شیخ زید اسپتال کا دورہ، مریضوں نے شکایات کے انبار لگا دیے

لاہور: چیف جسٹس آف پاکستان جسٹس ثاقب نثار نے شیخ زید اسپتال کے ایمرجینسی وارڈ کا دورہ کیا ہے.

تفصیلات کے مطابق چیف جسٹس نے شیخ زید اسپتال کا دورہ کیا، تو مریضوں نے شکایات کے انبار لگا دیے.

اس موقع پر چیف جسٹس نے ایک بیڈ پردو مریض ہونے پر ڈائریکٹر ایمرجینسی کی بھرپور سرزنش کی اور کل صبح ایم ایس سے رپورٹ طلب کرلی.

ایک مریض کے اہل خانہ نے چیف جسٹس سے اپیل کرتے ہوئے کہا کہ ہمارے مریض کے جگر کا ٹرانسپلانٹ ہونا ہے، مگر انتظامیہ کی جانب سے ہمیں کہہ دیا گیا ہے کہ مریض کو  یہاں سے لے جائیں.

لواحقین کا یہ بھی کہنا تھا کہ چیف جسٹس صاحب آپ آئے ہیں، تو انجکشن منگوایا گیا ہے. 

دورے کے موقع پر پر چیف جسٹس نے جسٹس اعجازالاحسن کےساتھ آئی سی یو کا بھی دورہ کیا.


مزیدپڑھیں: کراچی والوں کو پانی سے متعلق 25 دسمبر کو خوش خبری ملے گی، چیف جسٹس ثاقب نثار


یاد رہے کہ گذشتہ دنوں سپریم کورٹ نے لاہور کے پرائیوٹ اسپتالوں میں مہنگے علاج کا از خود نوٹس لیتے ہوئے اسپتال مالکان، سیکریٹری صحت اور ہیلتھ کئیر کمیشن افسران کو طلب کیا تھا۔

سپریم کورٹ لاہور رجسٹری میں چیف جسٹس پاکستان کی سربراہی میں دو رکنی بنچ نے پرائیویٹ ہسپتالوں کے مہنگے علاج پر ازخود نوٹس کی سماعت کی تھی.

Comments

comments

یہ بھی پڑھیں