The news is by your side.

Advertisement

الیکشن کمیشن کی درخواست پر چاروں صوبوں کے چیف سیکریٹریز، آئی جیز تبدیل

اسلام آباد: الیکشن کمیشن آف پاکستان کی درخواست پر چاروں صوبوں میں چیف سیکریٹریز اور پولیس چیفس تبدیل کردیے گئے۔

تفصیلات کے مطابق نگراں وزیر اعظم ناصر الملک کی زیر صدارت ہونے والی کابینہ اجلاس میں تمام چیفس کی تبدیلی کی منظوری دی گئی۔

تبدیلی کے نوٹیفکیشن کے مطابق اکبر درانی چیف سیکریٹری پنجاب ہوں گے جب کہ اعظم سلیمان خان چیف سیکریٹری سندھ کی حیثیت سے خدمات انجام دیں گے۔

خیبر پختونخوا کے لیے نوٹیفکیشن کے مطابق نوید کامران بلوچ کو چیف سیکریٹری مقرر کیا گیا ہے جب کہ بلوچستان کے چیف سیکریٹری اختر نذیر ہوں گے۔

الیکشن کمیشن کی درخواست پر نگراں وزیراعظم نے چاروں صوبوں کے آئی جیز بھی تبدیل کردیئے ہیں، تبدیلی کا باقاعدہ نوٹیفکیشن بھی جاری کردیا گیا ہے۔

نوٹیفکیشن کے مطابق کلیم امام کو آئی جی پنجاب مقرر کردیا گیا ہے جب کہ امجد جاوید سلیمی کو آئی جی سندھ تعینات کرنے کا فیصلہ کیا گیا ہے۔

الیکشن کمیشن کا تمام صوبوں میں چیف سیکریٹریز اور آئی جیز تبدیل کرنے کا حکم


خیبر پختونخوا کے لیے نئے انسپکٹر جنرل محمد طاہر ہوں گے جب کہ محسن حسن بٹ آئی جی بلوچستان کی حیثیت سے انتخابات کے دوران خدمات انجام دیں گے۔

واضح رہے کہ نئے چیف سیکریٹریز اور پولیس چیفس الیکشن کمیشن کی طرف سے منعقد ہونے والے کل صبح دس بجے کے اجلاس میں شرکت کریں گے، اس اہم اجلاس میں انتخابات کے لیے سیکورٹی انتظامات کا جائزہ لیا جائے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں