The news is by your side.

Advertisement

ڈاکوؤں کی دیدہ دلیری، پولیس اہلکار لٹ گیا

کراچی: شہرقائد میں ڈاکوؤں نے دیدہ دلیری کی انتہا کردی، چیف سیکریٹری سندھ سید ممتاز علی شاہ کے گن مین کو گھر کی دہلیز پر ہی لوٹ لیا گیا۔

اے آر وائی نیوز کے مطابق کراچی میں 4مسلح ڈاکو اہلکار عاشق حسین سے لاکھوں روپے لوٹ کر فرار ہوگئے۔ گین مین عاشق حیسن کا کہنا ہے کہ بلاک 14 میں بینک سے 2لاکھ روپے لے کر نکلا تھا۔

انہوں نے بتایا کہ چیف سیکریٹری سندھ کی سیکیورٹی پر مامور ہوں۔ لوٹ مار کرنے کی سی سی ٹی وی فوٹیج اے آر وائی نیوز نے حاصل کرلی۔ کراچی میں اسٹریٹ کرائم میں دن بہ دن اضافہ ہوتاجارہا ہے جبکہ قانون نافذ کرنے والے ادارے بھی ان ملزمان کے سامنے بے بس دکھائی دیتے ہیں۔

کراچی میں اسٹریٹ کرائمز کے ساتھ ٹریفک حادثات بھی بڑھ گئے، 3 جاں بحق

خیال رہے کہ ان دنوں کراچی میں اسٹریٹ کرائمز  عروج پر ہیں، رواں ماہ کراچی کے علاقے سچل تھانے کی حدود میں اسٹریٹ کرائم کی واردات کی سی سی ٹی وی فوٹیج اے آر وائی نیوز نے چلائی، فوٹیج میں دیکھا گیا کہ صفورا کے قریب ملزم نے گلی کی مکمل ریکی کی، اور موقع ملتے ہی گاڑی سے اے سی اور ڈیجیٹل سسٹم نکال کر فرار ہو گیا۔

سولجر بازار تھانے کی حدود میں گارڈن کے قریب بھی ایک موٹر سائیکل چوری کی گئی جس کی سی سی ٹی وی فوٹیج بھی اے آر وائی نیوز نے حاصل کی، ملزم نے سڑک پر کھڑی موٹر سائیکل پر بیٹھ کر ارد گرد کا جائزہ لیا، اور منٹوں میں موٹر سائیکل اسٹارٹ کی اور لے اڑا، ایک شہری نے واقعے کی رپورٹ سولجر بازار تھانے میں درج کرائی۔

fb-share-icon0
Tweet 20

Comments

comments

یہ بھی پڑھیں