تازہ ترین

دورہ نیوزی لینڈ کے لیے ون ڈے ٹیم کا اعلان: کون ہوا ان، کون ہوا آؤٹ!

لاہور: دورہ نیوزی لینڈ کے لئے قومی ون ڈے ٹیم کا اعلان کر دیا گیا ہے، انجری کے باعث عماد وسیم اور جنید خان کو ڈراپ کر دیا گیا ہے، ان کی جگہ محمد نواز اورعامر یامین کو ٹیم میں شامل کیا گیا ہے۔
تفصیلات کے مطابق سلیکشن کمیٹی کے جانب سے سرفراز احمد کی قیادت میں‌ نیوزی لینڈ کا دورہ کرنے والی پندرہ رکنی ٹیم کا اعلان کر دیا گیا ہے. چیف سیلیکٹر انضام الحق کا کہنا تھا، عماد وسیم کو گھٹنوں‌ میں تکلیف کی وجہ سے ڈراپ کیا گیا ہے. باقی کھلاڑیوں‌ نے فٹنس ٹیسٹ کلیئرکرلیا ہے، صہیب مقصود کی کافی عرصے بعد ٹیم میں‌ واپسی ہوئی ہے۔
انضمام الحق کا کہنا تھا کہ گذشتہ سال کارکردگی کے لحاظ سے اچھا گیا، محنت کررہے ہیں، امید ہے 2018 میں‌ بھی اچھے نتائج آئیں‌ گے۔

یہ بھی پڑھیں: ٹی ٹین کے آنے سے کرکٹ اور تیز ہوجا ئےگی، انضمام الحق

ان کا کہنا تھا کہ سب کے لیے یکساں‌ مواقع ہیں، ہمارے دروازے کسی کے لیے بند نہیں، ہم پرفارمینس کی بنیاد پر فیصلہ کرتے ہیں. فرسٹ کلاس پر ہماری نظر ہے۔
نیوزی لینڈ کا دورہ کرنے والی پندرہ رکنی ٹیم اظہرعلی، فخرزمان، امام الحق، بابراعظم، شعیب ملک، محمدحفیظ، حارث سہیل، فہیم اشرف، شاداب خان، محمد نواز محمد عامر، حسن علی، عامر یامین اوررومان رئیس پر مشتمل ہے۔
انجری کے باعث ڈراپ ہونے والے عماد وسیم کی جگہ محمد نواز نے لی ہے، جب کہ انجرڈ جنید خان کی جگہ عامر یامین کو ٹیم میں شامل کیا گیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -