site
stats
پاکستان

کراچی: چکن گنیا کا مرض شدت اختیار کرگیا، 3 ہزار لوگ مبتلا

کراچی: شہر قائد کے علاقے ملیر اور اُس کے مضافاتی علاقوں میں ایک بار پھر چکن گنیا وبائی شکل اختیار کرگیا جس کے باعث 3 ہزار سے زائد لوگ متاثر ہوئے۔

تفصیلات کے مطابق چکن گنیا نامی وبا نے ملیر میں ایک بار پھر شدت اختیار کرلی اور دیہی علاقوں میں 3 ہزار سے زائد لوگوں میں چکن گنیا پھیل گیا ہے۔

ضلع کونسل کراچی اور این جی او کی جانب سے کوہی گوٹھ میں طبی کیمپ قائم کیا گیا ہے جس میں ایک دن میں 1200 سے زائد افراد میں چکن گونیا مرض کی تشخیص ہوئی ہے، بڑی تعداد میں مریض آنے کی وجہ سے ادویات کم پڑگئیں۔

صوبائی وزیر کچی آبادی مرتضیٰ بلوچ ،چیئرمین ضلع کونسل سلمان مراد نے کیمپ کا دورہ کیا، مرتضیٰ بلوچ نے کہا کہ سندھ حکومت چکن گونیا کے مریضوں کا مفت علاج کرے گی، محکمہ صحت ملیر میں ایمرجنسی نافذ کرے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top