تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

چکن گنیا کی تشخیص کیلئے ٹیسٹ کا آغاز، ڈینگی اورملیریا کے ٹیسٹ لازمی قرار

کراچی :  چکن گنیا کی تشخیص کیلئے ٹیسٹ کا آغاز ہوگیا ہے، چکن گنیا سے پہلے ڈینگی اورملیریا کے ٹیسٹ لازمی قرار دیئے گئے ہیں۔

تفصیلات کے مطابق کراچی میں چکن گنیا سے قبل ڈینگی اور ملیریا کی تشخیص ضروری قرار دے دی گئی، ڈینگی کنٹرول پروگرام کی جانب سے ابراہیم حیدری سمیت ملیر کھوکھراپار میں ڈینگی اور ملیریا کے ٹیسٹ شروع کردیئے گئے ۔

ڈائیریکٹر ڈینگی اینڈ پریوینشن کنٹرول پروگرام مسعود سولنگی کے مطابق ابراہیم حیدری میں ملیریا کے 4 جبکہ ڈینگی کا ایک کیس سامنے آیا ،ابراہیم حیدری میں ہزاروں ریکارڈ ہونے والے کیسز مبینہ طور پر چکن گنیا کے ہیں ،ایک ہی مچھر سے ڈینگی اور چکن گنیا پھیلتا ہے ، تینوں بیماریوں کی علامات ایک جیسی ہونے کی بنا پر ڈینگی اور ملیریا کے ٹیسٹ شروع کئے گئے ہیں۔

مسعود سولنگی کا کہنا ہے کہ چکن گنیا سے قبل مریض کا ڈینگی اور ملیریا کا ٹیسٹ ضروری ہے ، جہاں جہاں سے چکن گنیا کے کیس ریکارڈ ہونگے، وہاں پر پہلے ڈینگی اور ملیریا کے ٹیسٹ کئے جائینگے ، چکن گنیا کی تشخیص کے لئے بیس ہزار کٹس کا آرڈر بھی دے دیا گیا ، چکن گنیا کی بروقت تشخیص کی کٹس فنلینڈ سے منگائی گئی ہیں ، چکن گنیا کی ٹیسٹ کٹس کے ساتھ صوبے بھر میں چکن گنیا کا ٹیسٹ ممکن ہوجائے گا۔


مزید پڑھیں  کراچی چکن گونیا کی لپیٹ میں


یاد رہے کہ بڑے پیمانے پر بیماری پھیلنے کے باوجود کراچی میں چکن گونیا کی تشخیص کا کوئی انتظام نہیں، متاثرہ افراد کے خون کے نمونے این آئی ایچ اسلام آباد بھیجے جاتے ہیں جہاں سے مریضوں میں چکن گونیا پازیٹو کی تصدیق کی جاتی ہے۔

دوسری جانب عالمی ادارہ صحت کی ٹیم نے چکن گونیا، ملیریا اور ڈینگی سے متعلق دورے میں شہر میں گندگی کے ڈھیروں کوبیماری کی بڑی وجہ قرار دیا تھا۔

اضح رہے کہ کراچی میں اب تک ڈھائی سو سے زائد چکن گونیا کے مریضوں کی تصدیق ہوچکی ہے۔

Comments

- Advertisement -