سویرا زیادتی کیس ‘ ملزمان کے خلاف کاروائی شروع -
The news is by your side.

Advertisement

سویرا زیادتی کیس ‘ ملزمان کے خلاف کاروائی شروع

کراچی: درندگی کی انتہا کرنے والے سفاک ملزمان کے خلاف پولیس نے کاروائی کا آغاز کردیا، نالے سے ملنے والی بچی سے زیادتی کے بعد قتل اور اقدام قتل کامقدمہ نامعلوم ملزمان کے خلاف درج کر لیا گیا۔

تفصیلات کے مطابق گذشتہ روزشہرقائد کے علاقے کورنگی کریک کے قریب واقع نالےمیں نامعلوم افراد 7 سالہ سویرا کو تشویش ناک حالت میں پھینک کر فرار ہو3گئے تھے۔

یہاں پڑھیں:سات سالہ بچی سے زیادتی، ملزمان نالے میں پھینک کر فرار

پولیس کی جانب سے فرارملزمان کے خلاف ابراہیم حیدری تھانے میں مقدمہ درج کرلیا گیا ہے، مقدمہ میں سویرا کو لاوارث اورملزمان کو نامعلوم قراردیا گیا ہے، پولیس کا کہنا ہے کہ انہوں نے ملزمان کے خلاف کاروائی کا آغازکردیا ہے تاہم بچی کا بیان اس کی حالت بہترہونےکےبعد قلم بندکیاجائےگا۔

ایف آئی آرمیں درج کیا گیا ہے کہ سفاک ملزمان نے بچی سے زیادتی کے بعد تشدد کا نشانہ بنا کر اس کی گلے اور ہاتھ کی رگیں کاٹیں اورپھراسے نالے میں پھنک کرفرارہوگئے۔

علاقہ مکینوں نے زخمی بچی کو سول اسپتال منتقل کیا، جہاں فوری طبی امداد کی فراہمی کے بعد معصوم سویرا کی زندگی بچالی گئی، ڈاکٹروں کا کہنا ہے کہ بچی پرچھری سے وار کیےگئے ہیں، بچی کی مکمل نگہداشت کا سلسلہ جاری ہے، وہ تاحال پولیس کو بیان قلم بند کرانے کے قابل نہیں ہے۔

دوسری جانب پر چیف جسٹس پاکستان نے واقعہ کا ازخود نوٹس لیتے ہوئے آئی جی سند ھ کو 48 گھنٹے میں رپورٹ جمع کرانے کی ہدایت کی.

Comments

comments

یہ بھی پڑھیں