The news is by your side.

سندھ میں سیلاب متاثرین کے یہاں مزید 10 بچوں کی پیدائش

کراچی: صوبہ سندھ میں سیلاب متاثرین کے یہاں مزید 10 بچوں کی پیدائش ہوئی ہے، تاحال ساڑھے 9 ہزار حاملہ خواتین فلڈ ریلیف کیمپس میں موجود ہیں۔

تفصیلات کے مطابق ذرائع وزارت صحت کا کہنا ہے کہ گزشتہ 24 گھنٹوں کے دوران صوبہ سندھ میں سیلاب متاثرین کے ہاں 10 بچوں کی پیدائش ہوئی۔

ذرائع کا کہنا ہے کہ سندھ کے فلڈ ریلیف کیمپس میں تاحال 3 ہزار 837 بچوں کی پیدائش ہو چکی ہے، کیمپوں میں مزید 9 ہزار 457 حاملہ خواتین موجود ہیں۔

وزارت صحت کے مطابق 2 ہزار 22 خواتین حمل کے پہلے فیز میں ہیں، 3 ہزار 965 خواتین حمل کے دوسرے، 2 ہزار 517 خواتین حمل کے تیسرے فیز میں اور 953 خواتین حمل کے آخری فیز میں ہیں۔

ذرائع کا کہنا ہے کہ فلڈ کیمپس میں 8 ہزار 784 حاملہ خواتین کو ڈائٹری سپلیمنٹ فراہم کیا گیا ہے جبکہ 7 ہزار 974 حاملہ خواتین کو ڈپتھیریا اور ٹیٹنس سمیت دیگر وبائی امراض سے بچاؤ کی ویکسین لگائی جا چکی ہیں۔

علاوہ ازیں 7 ہزار 842 حاملہ خواتین کے طبی معائنے ہوچکے ہیں۔

Comments

یہ بھی پڑھیں