ارجنٹائن میں ایک ننھی بچی کھلے گٹر میں جا گری جسے بحفاظت نکال لیا گیا، بچی کو بچانے کی ویڈیو سوشل میڈیا پر وائرل ہوگئی۔
ٹویٹر پر پوسٹ کی گئی یہ ویڈیو ارجنٹائن کے دارالحکومت بیونس آئرس کی ہے جہاں ایک ننھی بچی سڑک پر کھلے گٹر میں جا گری۔
قریب موجود ایک اسٹور کے مالک اور وہاں سے گزرتے ایک ڈیلیوری ورکر نے فوراً بچی کو بچانے کی کوشش شروع کردی جس میں دیگر راہگیر بھی شریک ہوگئے۔
ویڈیو میں دیکھا جاسکتا ہے کہ ایک شخص گٹر میں اترا ہوا ہے جبکہ اوپر موجود افراد رسی کے ذریعے دونوں کو اوپر کھینچنے کی کوشش کر رہے ہیں۔
(Dominican Republic): A young girl who fell into a manhole over the weekend was rescued by a convenient store owner & delivery worker in the Buenos Aires del Mirador neighborhood.(🎥:Hanlet Amin Martínez)
— GoodNewsCorrespondent (@GoodNewsCorres1) December 6, 2021
اوپر آنے کے بعد انہیں سہارا دے کر باہر لایا جاتا ہے، بچی کے بحفاظت نکل آنے پر وہاں موجود لوگ خوشی سے تالیاں بھی بجاتے ہیں جبکہ ایک شخص بچی کے اوپر پانی ڈال کر اس کا منہ صاف کرتا ہے۔
بچی کو بچانے کے لیے گٹر میں جانے والا شخص بھی باہر آجاتا ہے اور لوگ اس کے کاندھے تھپتھپا کر اسے شاباشی دیتے ہیں۔
سوشل میڈیا پر وائرل ہونے کے بعد لوگوں نے اظہار تشویش کرتے ہوئے کہا کہ کھلے ہوئے گٹروں کی وجہ سے اس طرح کے حادثات معمول بن چکے ہیں، صارفین نے بچی کے بچ جانے پر خوشی کا اظہار بھی کیا۔