تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی : بچی اغواء کی کوشش ناکام، ملزم گرفتار، گلشن حدید میں پولیس مقابلہ

کراچی : سائٹ سپر ہائی وے پولیس نے بچی کے اغوا کی کوشش ناکام بنا کر ملزم کو گرفتار کرلیا، گلشن حدید میں پولیس مقابلے کے بعد تین ملزمان کو زخمی حالت میں حراست میں لے لیا گیا۔

تفصیلات کے مطابق کراچی کے علاقے سائٹ سپر ہائی وے تھانے کی حدود میں پولیس نے ملزم کو گرفتار کرکے مغوی بچی کو بازیاب کرالیا، پولیس کے مطابق ملزم بچی کو زبردستی رکشے میں بٹھا کر اغوا کرنے کی کوشش کر رہاتھا۔

اس دوران ایک شہری نے15پر پولیس کو اطلاع دی، پولیس نے فوری کارروائی کرتے ہوئے ملزم کو گرفتار کر کے مقدمہ درج کرلیا۔ پولیس کا کہنا ہے کہ ملزم ابھی نشے کی حالت میں ہے۔

اسے طبی معائنے کیلئے عباسی شہیداسپتال بھجوادیا گیا، ملزم کے خلاف بچی کےاغوا کا مقدمہ اس کے والد کی مدعیت میں درج کیا گیا ہے۔

علاوہ ازیں گلشن حدید میں مسلح افراد شہری سے لوٹ مار کررہے تھے کہ پولیس کے پہنچنے پر پولیس اور ملزمان کےدرمیان مقابلہ ہوا ہے، فائرنگ کے تبادلے کے بعد تین ملزمان کو زخمی حالت میں گرفتار کرلیاگیا۔

پولیس کے مطابق ملزمان سے اسلحہ چھینا گیا سامان، موبائل فونز اور نقدی برآمد ہوئی ہے، ملزمان کی شناخت امین، طاہراور مناف کے ناموں سے ہوئی ہے۔

Comments

- Advertisement -