The news is by your side.

Advertisement

پنجاب : خون سفید ہوگیا، آٹھ سالہ بچے کا قاتل اسی کا باپ نکلا، ملزم گرفتار

ہارون آباد : پنجاب میں آٹھ سال کے بچے کے اندھے قتل کا سراغ مل گیا بچے کا قاتل اسی کا سنگدل سگا باپ نکلا، پولیس نے ملزم کو گرفتار کر لیا۔

تفصیلات کے مطابق تحصیل ہارون آباد ضلع بہاولنگر میں اولاد کے لیے جان دینے والا باپ اپنے بچے کی جان لینے والا قاتل بن گیا، ہارون آباد میں قتل ہونے آٹھ سالہ بچے کا قاتل اس کا سگا باپ نکلا۔

چند روز قبل آٹھ سال کے احمد حسین کی نعش کھیتوں سے ملی تھی، واقعے کے بعد پولیس نے مختلف زاویوں سے تفتیش کی، دوران تفتیش پولیس نے جب مقتول احمد حسین کے باپ سے پوچھ گچھ کی تو انکشاف ہوا کہ اس نے خود ہی اپنے بیٹے کا قتل کیا ہے۔

ملزم نے بتایا کہ بچے کو کپڑے سے منہ دبا کر اور سانس روک کر قتل کیا، ملزم کا کہنا ہے کہ اسے کئی لوگوں کا قرض دینا تھا قرض داروں کی ہمدردی حاصل کرنے کے لئےبچے کو مار ڈالا۔

ایس ایچ او تھانہ صدر پولیس ہارون آباد پرویز بھٹی نے پریس کانفرنس میں بتایا کہ ملزم باپ کا اپنے لخت جگر کو اپنے ہاتھوں ہی ہاتھوں قتل کرنا دل دہلا دینے والی لرزہ خیز واردات ہے جس کا ملزم نے اعتراف جرم کر لیا ہے۔

Comments

comments

یہ بھی پڑھیں