The news is by your side.

Advertisement

پاکستان میں کورونا کی تیسری لہر بچوں کیلیے خطرناک ہونے لگی

اسلام آباد: کورونا کی تیسری لہر نے بچوں کو لپیٹ میں لے لیا ہے ، وفاقی دارلحکومت میں ایک دن میں مزید 66 بچوں میں کورونا کی تشخیص ہوگئی۔

تفصیلات کے مطابق کورونا کی تیسری لہرسے بچوں کی بڑی تعداد متاثر ہورہے ہیں ، اسلام آباد میں 24 گھنٹے کے دوران 10سال تک کے 66 بچوں میں کورونا کی تشخیص ہوئی ، جس کے بعد کورونا سے متاثرہ بچوں کی تعداد 5792 ہوگئی۔

ڈی ایچ اوآفس نے بتایا کہ 11سے 20سال کی عمرکے 5391 بچے، 21 تا30 سال کے 11860افراد اور 31 تا 45 سال کے 16 ہزار 607 افراد کورونا پازیٹو ہو چکے ہیں۔

اعدادو شمار کے مطابق 46تا60 سال کے11 ہزار 203 اور 61 تا 80 سال کے 5 ہزار 986 افراد کورونا سے متاثر ہوچکے ہیں۔

گذشتہ روز بھی اسلام آباد میں 108 بچوں میں کورونا کی تصدیق ہوئی تھی ، وفاقی وزارت صحت کے مطابق ملک بھر میں اب تک مجموعی طور پر دس سال کی عمر کے بیس ہزارسے زائد بچے کورونا سے متاثر ہوچکے ہیں ۔

خیال رہے خیبرپختونخوا میں 25 فیصد بچوں کے کرونا سے متاثر ہونے کا انکشاف سامنے آیا ہے، تحقیقاتی رپورٹ میں بتایا گیا ہے کہ مذکورہ بچوں میں کرونا اینٹی باڈیز پائے گئے۔

واضح رہے ملک میں کورونا کی تیسری لہر شدت اختیار کرتی جارہی ہے ، کورونا کی وبا نےمزیداٹھانوے زندگیاں نگل لیں، ایک دن میں چار ہزار نو سو چوہتر نئے کیسز رپورٹ ہوئے اور چوبیس گھنٹے میں کورونا ٹیسٹ مثبت آنے کی شرح نو اعشاریہ نو فیصد رہی۔

Comments

یہ بھی پڑھیں