The news is by your side.

Advertisement

بچوں کی ویکسی نیشن، چلی نے بڑا فیصلہ کرلیا

سانتیاگو: لاطینی امریکا کے ملک چلی نے بھی اٹھارہ سال سے کم عمر افراد کے لئے چینی ویکسین کے ہنگامی استعمال کی منظوری دے دی ہے۔

میڈیا رپورٹ کے مطابق چلی کے انسٹی ٹیوٹ برائے صحت عامہ(آئی ایس پی) نے چھ سے سترہ سال کی عمر کے بچوں اور نابالغوں کیلئے چینی دوا ساز کمپنی سائنوویک بائیوٹیک کی تیار کردہ ویکسینز ‘سائنوویک کرونا ویک’ کے ہنگامی استعمال کی منظوری دے دی ہے۔

انسٹی ٹیوٹ برائے صحت عامہ کے ڈائریکٹر ہیربیرٹو گارشیا نے دوا کے استعمال سے متعلق ماہرین کے ایک اجلاس کے بعد منعقدہ پریس کانفرنس میں بتایا کہ ہم نے آبادی کی حفاظت جاری رکھنے کیلئے چھ سال اور اس سے زائد عمر کے بچوں کیلئے کرونا ویک ویکسین کی منظوری دی ہے۔

ہیربیرٹو گارشیا نے بتایا کہ اعداد وشمار کے مطابق متاثرہ بچوں کی تعداد بڑھنے کی وجہ انہیں ویکسین نہ لگنا ہے۔

یہ بھی پڑھیں: چینی کورونا ویکسینز کا امتزاج، آزمائش کے بعد ماہرین نے اہم انکشاف کردیا

واضح رہے کہ انسٹی ٹیوٹ برائے صحت عامہ نے رواں سال بیس جنوری کو سائنوویک کرونا ویک ویکسینز کی اٹھارہ سال یا اس سے زائد عمر والوں کیلئے ہنگامی استعمال کی منظوری دی تھی۔

انسٹی ٹیوٹ برائے صحت عامہ نے رواں سال 20 جنوری کو سائنوویک کروناویک ویکسینز کی 18 سال یا اس سے زائد عمر والوں کیلئے ہنگامی استعمال کی منظوری دی تھی۔

وزارت صحت کے تازہ ترین اعدادوشمار کے مطابق ایک کروڑ30لاکھ74ہزار496 افراد کی مکمل ویکسی نیشن ہوچکی جو کہ ہدف میں شامل ایک کروڑ52لاکھ آبادی کا 86.01فیصد ہے۔

یاد رہے کہ کرونا ویک کو انڈونیشیا اور چین میں بھی بچوں کے استعمال کے لیے ہنگامی منظوری بھی حاصل ہے۔

Comments

یہ بھی پڑھیں