The news is by your side.

Advertisement

پاکستان میں بھارتی میزائل گرنے کا واقعہ ، چین کا ردعمل آگیا

بیجنگ : چینی وزارت خارجہ نے پاکستان میں بھارتی میزائل گرنے کے واقعے پر ردعمل دیتے ہوئے دونوں ممالک پر جلد بات چیت اور مذاکرات کرنے پر زور دیا۔

تفصیلات کے مطابق پاکستان کی حدود میں بھارتی میزائل گرنے کے واقعے پر چین کا ردعمل آگیا ، چینی وزارت خارجہ کی جانب سے بیان میں دونوں ممالک پر جلد بات چیت اور مذاکرات کرنے پر زور دیا۔

چینی وزارت خارجہ کا کہنا تھا کہ پاکستان میں بھارتی میزائل گرنے کا واقعہ علم میں ہے، دونوں ممالک کو معاملے پر بات کرنی اور جائزہ لینا چاہیے۔

چین نے کہا بھارت اور پاکستان مذاکرات اور میزائل گرنے کی تحقیقات کریں اور واقعے سے متعلق معلومات کو شیئرکیا جائے ساتھ ہی رپورٹنگ طریقہ کار طے کیا جائے تاکہ ایسے واقعہ پھر نہ ہو۔

یاد رہے اس سے قبل امریکا نے پاکستان میں بھارتی میزائل گرنے کے معاملے پر تبصرے سے انکار کردیا تھا ، اس حوالے سے ترجمان امریکی محکمہ خارجہ نیڈ پرائس نے کہا تھا کہ بھارتی وزارت دفاع نے واقعے کو حادثہ قراردیا ہے، میزائل گرنے کے معاملے پر اس سے زیادہ کچھ نہیں کہہ سکتے۔

خیال رہے کہ 9مارچ کو ایک انہونا اور خطرناک واقعہ ہوا تھا، بھارت سے ایک سپرسانک میزائل 250 کلومیٹر کا فاصلہ طے کرکے پاکستان میں گرا تھا، بھارتی میزائل 40 ہزار فٹ کی بلندی پر پرواز کرتے ہوئے پاکستانی علاقے میں گرا تھا۔

Comments

یہ بھی پڑھیں