The news is by your side.

Advertisement

چین کی جانب سے مبارک باد

اسلام آباد: چین نے میاں شہباز شریف کو وزیر اعظم پاکستان بننے پر مبارک باد دی ہے۔

تفصیلات کے مطابق شہباز شریف نے پاکستان کے 23 ویں وزیر اعظم کی حیثیت سے ذمہ داریاں سنبھال لی ہیں، مختلف ممالک کی جانب سے مبارکبادیں موصول ہو رہی ہیں، چین نے بھی انھیں مبارک باد دی ہے۔

چینی وزارت خارجہ نے کہا کہ چین پاکستان سے اپنی روایتی دوستی جاری رکھنا چاہتا ہے، اور باہمی تعاون کو مزید فروغ دینے کے لیے پُر عزم ہے۔

چین نے اعلیٰ معیار کے سی پیک اور مشترکہ مستقبل کے لیے بھی عزم کا اظہار کیا، ترجمان نے کہا کہ چین اور پاکستان اسٹریٹجک پارٹنر ہیں۔

شہباز شریف کا وزیراعظم بنتے ہی نریندرمودی کو اہم پیغام

یاد رہے گزشتہ روز بھارتی وزیر اعظم نریندر مودی نے وزیر اعظم منتخب ہونے پر شہباز شریف کو مبارک باد پیش کرتے ہوئے کہا تھا کہ بھارت کی خواہش ہے کہ خطے میں امن اور استحکام ہو تاکہ ہم ترقیاتی چیلنجز اور لوگوں کی فلاح و بہبود پر توجہ مرکوز کر سکیں۔

شہباز شریف کے وزیراعظم منتخب ہونے پر امریکا کا اہم بیان سامنے آگیا

شہباز شریف کے وزیر اعظم منتخب ہونے پر امریکا کا کہنا ہے کہ پاکستان میں کسی ایک سیاسی جماعت کی حمایت نہیں کرتے، آئین کی پاسداری کے عمل کی حمایت کرتے ہیں۔ جین ساکی نے کہا کہ جمہوری خوش حال پاکستان امریکا کے مفاد میں ہے، نئی لیڈر شپ کے ساتھ تعلقات جاری رکھیں گے۔

Comments

یہ بھی پڑھیں