اولمپکس کے بائیکاٹ پر چین کا امریکا کو بھرپور جواب دینے کا فیصلہ

بیجنگ: امریکا کی جانب سے اولمپکس 2022 کے بائیکاٹ کے بعد چین نے بھی جوابی اقدامات کرنے کا اعلان کردیا۔

برطانوی خبررساں ادارے کی رپورٹ کے مطابق چین کے وزیر خارجہ ژاو لیجیان نے اولمپکس 2022 کے مقابلوں میں امریکا کے سفارتی بائیکاٹ کے اعلان کی شدید مذمت کی۔

انہوں نے کہا کہ ’چین اس بائیکاٹ کے جواب میں ٹھوس اقدامات اٹھائے گا‘۔

چینی وزیر خارجہ کی جانب سے جوابی اقدامات اٹھانے سے متعلق زیادہ تفصیلات بیان نہیں کی گئیں۔

یاد رہے کہ امریکا نے ایک روز قبل انسانی حقوق کی صورت حال پر تشویش کا اظہار کرتے ہوئے اولمپکس کے سفارتی بائیکاٹ کا اعلان کیا تھا۔

وائٹ ہاؤس کی جانب سے جاری اعلامیے میں کہا گیا تھا کہ ’امریکی سفارت کار اولمپکس میں شرکت نہیں کریں گے البتہ کھلاڑیوں کو مقابلوں میں حصہ لینے کی اجازت ہوگی، جنہیں مکمل سرکاری سرپرستی بھی فراہم کی جائے گی‘۔

Comments