site
stats
عالمی خبریں

امریکی وفد کو بغیرتلاشی دیے چین میں داخلے کی اجازت نہیں ملی

ہانگژو: چین میں امریکی صدربارک اوباما کےسرکاری وفد کی چینی سیکیورٹی اہلکاروں سے تلخ کلامی ہوئی معاملے نمٹنے تک امریکی صدر اپنے جہاز میں ہی بیٹھے رہے۔

تفصیلات کے مطابق جی 20 ممالک کے سربراہان کا اجلاس چین میں آج سے شروع ہو رہا ہے جس میں شرکت کے لیے امریکی صدر اپنے وفد کے ہمراہ چین کے شہر ”ہانگژو” پہنچے تھے تو امریکی صدر کے وفد نے حفاظتی حصار توڑ کر بغیر سیکیورٹی کلیئرنس دیے بغیرگذرنے کی کوشش کی جس پر چینی حکام نے انہیں روکا اور چینی قوانین کی پابندی کرنے کی تاکید اور بہ صورت دیگرسخت قوانین کی زد میں لانے کی تنبیہ بھی کی۔

جس کے بعد امریکی وفد میں شامل ایک ایک شخص نے خود کو چین کے قوانین کے تحت سیکیورٹی کلیئرنس کے لیے پیش کیا یہ سارا عمل امریکی صدر کی موجودگی میں ہوا اس دوران امریکی صدر اپنے طیارے میں ہی بیٹھے رہے۔

ذرائع کے مطابق امریکی صدر بارک اوباما کے وفد میں شامل صحافتی عملے کی جانب سے ایئرپورٹ کے حفاظتی حصار اورقوانین کو توڑنے کے بعد چینی افسران اوروائٹ ہاؤس عملے پربرہم ہوگئے اور ان کو متنبہ کیا کہ وہ امریکہ میں‌ نہیں چین میں موجود ہیں اس لیے انہیں تمام سیکیورٹی اور امیگریشن قوانین کی پاسداری کرنی ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top