The news is by your side.

Advertisement

چین کے صوبے فوجیان میں لینڈسلائڈنگ سے 41 افراد لاپتہ

بیجنگ : چین کے صوبے فوجیان میں طوفانی بارشوں کے بعد لینڈسلائڈنگ کےباعث اکتالیس افراد لاپتہ ہوگئے۔

چینی ذرائع ابلاغ کےمطابق صوبےفوجیان کےپہاڑی علاقے میں چوبیس گھنٹوں میں آٹھ انچ سےزائد بارش ریکارڈ کی گئی، پہاڑی علاقے میں ہائیڈروالیکٹرک پاور پلانٹ نصب کیاجارہاتھا،لینڈسلائڈ کی زد میں آکر کنسٹرکشن سائٹ کےسات افرادزخمی جبکہ اکتالیس افرادلاپتہ ہوگئے،زخمیوں کو فوری طور اسپتال منتقل کردیا گیا.

ریسکیو آپریشن میں چھ سو سے زائد امدادی کارکن، فائر فائٹرز اور پولیس کے اہلکار لاپتہ ہونےوالے افراد کی تلاش میں مصروف ہیں،بھاری مشینری کے ذریعے مٹی کے تودے اور لینڈ سلائڈنگ سے ہونے والی رکاوٹوں کو ہٹانے کی کوشش کررہے ہیں تاکہ لاپتہ افراد کی جان کو بچایا جاسکے.

china-post-1

چینی صدر زی جنگ پنگ نے واقعہ پرشدیدافسوس کااظہارکرتے ہوئے لاپتہ افرادکوفوری ریسکیوکرنےکیلئےپرممکن اقدامات اٹھانےکی ہدایت کی ہے،چینی صدرنےمقامی حکام کوآئندہ ایسےواقعات سےنمٹنے کیلئے احتیاطی تدابیرکرنےکی بھی ہدایت کی ہے۔

یاد رہے بدھ کے بعد سے جنوبی چین میں تیزبارشوں کے باعث فصلوں کی بڑی تعداد تباہ ہوگئی، سیلاب اور مٹی کے تودے گرنے سے نقل وحمل بَری طرح متاثر ہوئی ہے.

china-post-2

Comments

comments

یہ بھی پڑھیں