The news is by your side.

Advertisement

وینزویلا بحران، چین کی حکومت کو تعاون کی یقین دہانی

بیجنگ: وینزویلا میں جاری سیاسی بحران میں چین نے صدر نکولس مدورو کو تعاون کی یقین دہانی کرادی۔

تفصیلات کے مطابق امریکا کی جانب سے وینزویلا پر نئی پابندیاں عاید کرنے کے ردعمل میں صدر نکولس مدورو نے اپوزیشن لیڈر جون گائیڈو سے مذاکرات منسوخ کردیے جس کے بعد سیاسی صورت حال مزید خراب ہوچکی ہے۔

غیر ملکی خبر رساں ادارے کے مطابق چین کی وزارت خارجہ نے کہا ہے کہ چین وینزویلا کے ساتھ تعاون جاری رکھے گا، امریکا بین الاقوامی قوانین کا احترام کرے۔

چینی وزارت خارجہ نے وینزویلا سے متعلق امریکی اقدامات کو تنقید کا نشانہ بنایا، چین روس کے بعد دوسرا طاقتور ملک ہے جس نے وینزویلا کی حکومت پر اعتماد کا اظہار کیا ہے، جبکہ کئی یورپی ممالک سمیت امریکا بھی اپوزیشن کی حمایت کررہا ہے۔

چین نے امریکی کی حالیہ پابندیوں کو بھی آڑے ہاتھوں لیا، بیجنگ حکام نے ڈباؤ ڈالا کہ امریکا وینزویلا میں داخلی انتشار سے گریز کرے۔

وینزویلا پر نئی امریکی پابندی، حکومت نے اپوزیشن سے مذاکرات منسوخ کردیے

امریکا نے دو روز قبل وینزویلا حکومت کے امریکا میں موجود اثاثے منجمد کرنے کا حکم دیا تھا اور ساتھ ہی وینزویلا حکومت کو تمام ادائیگیوں کا سلسلہ بھی روک دیا تھا۔

مذکورہ پابندیوں کے علاوہ امریکا نے روس اور چین سمیت دیگر ممالک کوتنبیہ کی ہے کہ وہ وینزویلا کے صدر نکولس کی حکومت کے ساتھ تجارتی روابط رکھنے سے گریز کریں۔

یاد رہے کہ امریکا صدر نکولس مدورو کی حکومت کو تسلیم نہیں کرتا جو گزشتہ سال ہونے والے انتخابات کے بعد صدر منتخب ہوئے تھے امریکانے ان انتخابات کو دھاندلی زدہ قرار دے دیا تھا۔

Comments

comments

یہ بھی پڑھیں