بیجنگ: چین نے سمندر میں دنیا کی سب سے بلند ونڈ ٹربائن بنانے کا اعلان کیا ہے،اس کا تکنیکی نام مِنگ یانگ ایم وائی اس ای 16.0-242 رکھا گیا ہے۔
میڈیا رپورٹ کے مطابق یہ خاص طور پر شدید ہواؤں کو برداشت کرنے کے لیے بنایا گیا ہے، یہی وجہ ہے کہ اسے سمندر میں نصب کیا جائے گا، اگر ہوا 56 میٹر فی سیکنڈ کی تیزترین ہوا (بلکہ طوفان) بھی ہو اسے بھی یہ برداشت کرسکے گی، تاہم اگر ہوا کی رفتار 8.5 میٹر فی سیکنڈ سے بڑھ جائے تو اس کی پنکھڑیاں گھومنے لگتی ہیں اور بجلی کی پیداوار شروع ہوجاتی ہے۔
چینی حکام کا کہنا ہے کہ یہ ایک وقت میں 18 میگاواٹ بجلی بناسکتی ہے لیکن پورے سال 80 گیگا واٹ بجلی ایک ٹاور سے حاصل کی جاسکتی ہے۔
اس کے فنکشنل ہونے سے متعلق حکام نے بتایا کہ ہر مرتبہ گھومنے پر یہ ونڈ ٹربائن نیشنل فٹ بال لیگ کے 12 میدانوں کے برابر وسیع ہوگی اور اس کی تینوں پنکھڑیوں کی لمبائی 128 میٹر ہوسکتی ہے۔
اس طرح سیارہ زمین پر یہ سب سے بڑی ونڈ ٹربائن ہوگی، اس کا تکنیکی نام مِنگ یانگ ایم وائی اس ای 16.0-242 رکھا گیا ہے۔
