The news is by your side.

Advertisement

چین کی جانب سےعمران خان کے بیان کا خیرمقدم

بیجنگ : چین نے تحریک انصاف کے سربراہ عمران خان کی جانب سے پاک چین تعلقات کے حوالے سے دیے گئے بیان کو سراہتے ہوئے کہا کہ چین اور پاکستان کے درمیان سدا بہارشراکت داری تبدیل نہیں ہوسکتی۔

تفصیلات کے مطابق چین کی وزارت خارجہ کے ترجمان گینگ شوانگ نے بیجنگ میں بریفنگ کے دوران کہا کہ عمران خان کا بیان چین اور پاکستان کے درمیان سدا بہار اسٹریٹجک شراکت داری کا مظہر ہے۔

چینی وزارت خارجہ کے ترجمان کا کہنا تھا کہ عمران خان نے اس سے قبل بھی کئی مرتبہ کہا ہے کہ چین کے ساتھ تعلقات پاکستان کی خارجہ پالیسی کا بنیادی ستون ہے۔

گینگ شوانگ کا کہنا تھا کہ عمران خان نے اپنی تقریر میں یہ بھی ذکر کیا ہے کہ وہ چین کے تجربات سے فائدہ اٹھائیں گے اور پاک چین اقتصادی راہداری کی تعمیرکو آگے بڑھائیں گے اور وہ سمجھتے ہیں کہ یہ راہداری پاکستان کی ترقی میں اہمیت کی حامل ہے۔

ترجمان کا یہ بھی کہنا تھا کہ عمران خان کی جانب سے چین اور پاکستان کے تعلقات کے بارے میں بیان کو سراہتے ہوئے کہا کہ یہ اس بات کا ثبوت ہے کہ دونوں ملکوں میں داخلہ صورت حال جیسی بھی ہو پاک چین سدا بہار شراکت داری تبدیل نہیں ہوسکتی۔

چین کی وزارت خارجہ کے ترجمان گینگ شوانگ کا مزید کہنا تھا کہ چین پاکستان میں حالیہ انتخابات پرنظررکھے ہوئے ہے اور خلوص دل سے امید کرتا ہے کہ پاکستان میں سیاسی تبدیلی کا عمل خوش اسلوبی سے مکمل ہوگا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں