بیجنگ: چین کا خلائی جہاز شینزو 16 تین خلابازوں کو لے کر روانہ ہو گیا۔
تفصیلات کے مطابق چین کا خلائی جہاز شینزو 16 تیان گانگ خلائی اسٹیشن کے لیے منگل کو روانہ ہو گیا، 3 خلانوردوں سمیت مشن میں ایک سویلین سائنس دان بھی شامل ہے۔
مشن کی خاص بات ایک سویلین سائنس دان کی شمولیت ہے، یونیورسٹی کے پروفیسر ہائچاؤ خلا میں جانے والے پہلے چینی شہری ہیں۔
چین رواں عشرے کے آخر تک چاند پر بھی انسانی مشن بھیجنا چاہتا ہے، یہ مشن خلائی اسٹیشن پر مختلف تجربات بھی کرے گا، مشن کے دوران 3 رکنی عملہ 5 ماہ تک خلائی اسٹیشن پر قیام کرے گا۔
Exciting moment. #Shenzhou16 pic.twitter.com/56dgUdcvDg
— Hua Chunying 华春莹 (@SpokespersonCHN) May 30, 2023
جِنگ ہیپینگ، ژو یانگزو، اور گُوئی ہائچاؤ پر مشتمل یہ عملہ خلائی اسٹیشن پر شینزو 15 کے خلابازوں کی ذمہ داریاں سنبھالے گا، جو نومبر سے چین کے نئے مکمل ہونے والے تیان گانگ خلائی اسٹیشن پر موجود ہیں۔
چین کے پروفیسر جو خلا میں جا کر تاریخ رقم کرنے والے ہیں
واضح رہے کہ یہ 2021 کے بعد سے خلائی اسٹیشن پر چین کا پانچواں انسان بردار مشن ہے۔
China unveils Shenzhou-16 crew for space station mission:
– Jing Haipeng, commander, the country’s first taikonaut to go into space for a 4th time
– Zhu Yangzhu, spaceflight engineer
– Gui Haichao, university professor, payload expert
More: https://t.co/5HzTHtoZHf pic.twitter.com/W7eoiPCrws— China Xinhua News (@XHNews) May 29, 2023
