The news is by your side.

Advertisement

چین پاکستان میں فوجی اڈا قائم کرسکتا ہے‘پینٹاگون

واشنگٹن: امریکی محکمہ دفاع نے اپنی رپورٹ میں دعویٰ کیا ہے کہ چین مستقبل قریب میں ممکنہ طور پر پاکستان میں بھی اپنا فوجی اڈا قائم کرسکتا ہے۔

تفصیلات کےمطابق امریکی محکمہ دفاع کی کانگریس کو سالانہ رپورٹ میں کہا گیا ہے کہ چین نے افریقی ملک جبوتی میں فوجی اڈا قائم کیا،اس کے بعد چین سمندر پار ایسے ممالک سے جن سے اس کے دیرینہ تعلقات اور اسٹرٹیجک مفادات ہیں وہاں مزید فوجی اڈے قائم کر سکتا ہے اوران ممالک میں پاکستان بھی شامل ہے۔

کانگریس میں پینٹاگون کی جانب سےپیش کی کی گئی 97صفحات کی رپورٹ میں چینی فوج کےحوالے سے اندازہ لگایا گیاہےکہ چین کے دفاعی اخراجات 180ارب ڈالر سے تجاوز کرگئے ہیں۔


چین نے امریکی محکمہ دفاع کی رپورٹ کو بے بنیاد قرار دے دیا


دوسری جانب چین نے امریکی محکمہ دفاع پینٹاگون کی رپورٹ کو جھوٹ کا پلندہ قراردیا ہے کہ جس میں کہا گیاہےکہ چین پاکستان سمیت دیگر ممالک میں فوجی اڈے بنانا چاہتا ہے۔

چینی وزارت خارجہ کی ترجمان ہوا چن ینگ نے میڈیا سے گفتگوکرتے ہوئےکہاکہ بیجنگ حکومت اس رپورٹ کی شدید مخالفت کرتی ہے۔

انہوں نےکہاکہ اس رپورٹ میں چین کے قومی دفاعی بجٹ،علاقائی سالمیت اورسکیورٹی مفادات کے حوالے سے غیر ذمہ دارنہ بیان دیا گیا ہے۔

واضح رہےکہ چینی وزارت خارجہ کی ترجمان نے کہا کہ چین اور پاکستان قریبی دوست ملک ہیں،جو کئی شعبوں میں باہمی تعاون کے ساتھ کام کر رہے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں