بیجنگ: چین کے جنوب مغربی صوبے سچیوآن میں بارش کی وجہ سے پہاڑی تودہ گرا جس کے نتیجے میں 19 گھر مکمل تباہ ہوگئے مگر واقعے میں کوئی جانی نقصان نہیں ہوا اور نہ ہی کسی کو معمولی چوٹ آئی۔
چین میڈیا رپورٹ کی جانب سے پہاڑی تودہ گرنے کی ویڈیو اور تفصیلات جاری کی گئیں۔ سی جی ٹی این کی رپورٹ کے مطابق چین میں ہونے والی طوفانی بارشوں کے نتیجے میں جنوب مغربی صوبے کے پہاڑی علاقے میں خوفناک حادثہ جمعے کی رات پیش آیا۔
رپورٹ کے مطابق واقعے میں 69 ٹریگیریڈ نامی پہاڑ سے مٹی کا تودہ آبادی پر گر گیا جس کے نتیجے میں وہاں موجود تمام گھر تباہ ہوگئے، واقعے میں تمام مکین محفوظ رہے اور کوئی معمولی زخمی بھی نہیں ہوا۔
69 people from 19 households in SW #China's Sichuan Province have been evacuated after heavy downpours triggered mountain collapse Friday night.
No casualties or injuries have been reported so far due to close monitoring of natural disasters and timely evacuation in the area. pic.twitter.com/rHHMIq1pxA
— CGTN (@CGTNOfficial) June 27, 2020
سی جی ٹی این کے مطابق مقامی حکومت نے جمعے کی دوپہر موسلادھار بارشوں کے بعد مذکورہ علاقے کو پہلے ہی خالی کراکے شہریوں کو محفوظ مقامات کی طرف منتقل کردیا تھا، اسی وجہ سے تمام رہائشی محفوظ رہے۔
دوسری جانب بارشوں نے وسطی چین میں بھی بارشوں کی وجہ سے سڑکیں زیر آب آگئی، بارش کا پانی سیلابی ریلے کی صورت میں ہوبے صوبے میں داخل ہوا۔
رپورٹ کے مطابق چین کے مختلف علاقوں میں بارشوں کے نتیجے میں تین افراد کی ہلاکت کی تصدیق ہوئی جبکہ 12 شہری لاپتہ ہیں۔ حکومت نے سیلاب زدہ علاقوں میں ہنگامی حالات نافذ کرتے ہوئے ریسکیو آپریشن شروع کردیا۔ رضا کار متاثرہ علاقوں کے رہائشیوں کو محفوظ مقامات کی طرف منتقل کررہے ہیں۔
