The news is by your side.

تائیوان کے لیے اسلحہ پیکیج پر چین کی امریکا کو کھلی دھمکی

تائیوان کے لیے امریکی اسلحہ پیکیج پر چین نے شدید ردعمل کا اظہار کرتے ہوئے کہا ہے کہ امریکا یہ اسلحہ پیکیج منسوخ کرے یا پھر جوابی اقدامات کیلیے تیار رہے۔

چینی سفارتخانے کی جانب سے جاری بیان میں کہا گیا ہے کہ امریکا کا تائیوان کیلیے اسلحہ پیکیج دو طرفہ تعلقات کو خطرے میں ڈالے گا، چین حالات کی روشنی میں جائزہ لے کر ضروری جوابی اقدامات کرے گا۔

واضح رہے کہ چین اور امریکا کے تائیوان کے معاملے پر تعلقات طویل عرصے سے بگاڑ کا شکار ہیں۔

چین نے گزشتہ ماہ امریکی ایوان نمائندگان اسپیکر نینسی پیلوسی کے تائیوان کے دورے کے بعد امریکا سے متعدد معاملات پر تعاون ختم کرنے کا اعلان کیا ہے۔

یہ بھی پڑھیں: چین کا امریکا کے ساتھ تعاون ختم کرنے کا اعلان

غیر ملکی خبر رساں ادارے کے مطابق چین نے اگست کے اوائل میں امریکی ایوان نمائندگان اسپیکر نینسی پیلوسی کے تائیوان کے دورے کے بعد امریکا سے متعدد معاملات پر تعاون ختم کرنے کا اعلان کرتے واشنگٹن کے ساتھ متعدد دفاعی نوعیت سے متعلق اجلاس سمیت اہم موسمیاتی مذاکرات کو معطل کرنے کا فیصلہ کیا تھا۔

Comments

یہ بھی پڑھیں