The news is by your side.

Advertisement

سعودی آئل ریفائنری حملہ: چین کا امریکا اور ایران کو احتیاط سے کام لینے کا مشورہ

بیجنگ: چین نے متنبہ کیا ہے کہ سعودی آئل ریفائنری پر حملے سے متعلق تمام فریقین کو احتیاط برتنی چاہیے.

تفصیلات کے مطابق امریکی صدر ڈونلڈ ٹرمپ کے بیان پرچین وزارت خارجہ کا ردعمل سامنے آگیا.

چین کے مطابق امریکا اور ایران کوصورتحال سے نمٹنے کے لئے احتیاط برتنی ہوگی، جامع تحقیقات کے بغیر کسی بھی کارروائی کےخلاف ہیں.

چینی وزارت خارجہ کے مطابق کشیدگی میں اضافےکے کسی بھی اقدام کی حمایت نہیں کرتے، مشرق وسطیٰ میں امن واستحکام کےلیے امریکا اور ایران کو احتیاط سے کام لینا پڑے گا.

چین کا کہنا ہے کہ تحقیقا ت کے بغیر ریفائنری حملے کا الزام کسی پرلگانا غیر ذمے داری ہے.

خیال رہے کہ سعودی عرب میں آئل کمپنی آرامکو پر ڈرون حملے سے عالی برادری میں تشویش کی لہر دوڑ گئی ہے، جب کہ امریکی صدر ٹرمپ نے حملے کے ذمہ داران کیخلاف فوجی کارروائی کا اشارہ دیا ہے۔

امریکی صدر ٹرمپ نے اپنے ٹویٹ میں حملوں پر برہمی کا اظہار کرتے ہوئے کہا کہ سعودی عرب کی تیل کی سپلائی پرحملہ ہوا، امریکہ جانتا ہے کہ مجرم کون ہے اور وہ ان حملوں کے ذمہ داران کے خلاف کارروائی کے لیے تیار ہے.

Comments

comments

یہ بھی پڑھیں