The news is by your side.

Advertisement

بھارت کی معافیاں قبول ، چین نے سرحد پار کرنے والے 10 بھارتی فوجی رہا کردیئے

لداخ : چین نے بھارت کی معافیاں قبول کرلیں اور سرحد پار کرنے والے ایک بھارتی لیفٹیننٹ کرنل اورتین میجرز سمیت دس بھارتی فوجیوں کو رہا کردیا، فوجیوں کو لداخ میں سرحدی خلاف ورزی پرگرفتارکیا تھا۔

تفصیلات کے مطابق بھارت کو چین کے ہاتھوں مسلسل رسوائی کا سامنا ہے اور چین کے دندان شکن جواب کے بعد مودی سرکار گھٹنوں پر آگئی اور گرفتار بھارتی فوجیوں کی رہائی کیلئے منتیں کرنے لگی۔

بھارتی درخواست پر چین کی حکومت نے 10بھارتی فوجی بھارت کے حوالے کردیئے بھارتی فوجیوں میں ایک لیفٹیننٹ کرنل،3میجرشامل ہیں تاہم بھارتیوں کو ایک شرط پر چھوڑا گیا کہ دوبارہ ایسی حرکت نہیں کریں گے، جس پر بھارت نے بھی یقین دہانی کرادی۔

یاد رہے لداخ کے علاقے گلوان میں بھارتی فورسزکی لائن آف ایکچوئل کنڑول کی خلاف ورزی پرچینی فورسزسے جھڑپ میں بیس بھارتی فوجی مارے گئے تھے اور چہتر زخمی ہوئے تھے۔

گذشتہ روز چین کی وزارت خارجہ کے ترجمان لی جیان ژاؤ نے میڈیا بریفنگ میں کہا تھا کہ چین،بھارت سرحد پرصورتحال کنٹرول میں ہے، اورچینی فورسز پرحملہ کیا۔

ترجمان لی جیان ژاؤ کا کہنا تھا کہ بھارت کےفرنٹ لائن فوجیوں نے سرحدی خلاف ورزی کی ، بھارت صورتحال کا غلط اندازہ نہ لگائے اورنہ ہی چین کی خود مختاری کی حفاظت کے حوالے سے کسی غلط فہمی میں رہے۔

Comments

یہ بھی پڑھیں