The news is by your side.

Advertisement

چین کا امریکی حکام کے ویزوں پر پابندی لگانے کا فیصلہ

بیجنگ: چین نے امریکی حکام کے ویزوں پر پابندی لگانے کا فیصلہ کر لیا ہے۔

تفصیلات کے مطابق چین کی جانب سے امریکی اقدام کا کرارا جواب دے دیا گیا، امریکی حکام کے ویزوں پر پابندی لگانے کا فیصلہ کرتے ہوئے چینی وزارت خارجہ نے بتایا کہ یہ اقدام امریکی سیکریٹری خارجہ اینٹنی بلنکن کے بیان کا جواب ہے۔

بلنکن نے گزشتہ دنوں الزام لگایا تھا کہ امریکا کے خلاف جابرانہ کارروائیوں میں ملوث بعض چینی حکام کے ویزوں پر پابندی لگا رہا ہے۔

چینی ترجمان وانگ وین بن نے جمعرات کو کہا کہ چین کی خود مختاری، سلامتی، چینی عوام کے جائز حقوق اور مفادات کے تحفظ کے لیے چین نے امریکی حکام پر ویزا پابندیاں عائد کرنے کا فیصلہ کیا ہے۔

امریکا میں ہجوم کے ہاتھوں کسی کا قتل نفرت انگیز جرم قرار

یاد رہے کہ امریکی وزیر خارجہ اینٹنی بلنکن نے رواں ماہ کہا تھا کہ امریکا نسلی اور مذہبی اقلیتی گروہوں کے خلاف ‘جابرانہ کارروائیوں’ میں ملوث ہونے پر کچھ چینی حکام کے ویزوں پر پابندی لگا رہا ہے۔

Comments

یہ بھی پڑھیں