The news is by your side.

Advertisement

چین کا مسئلہ کشمیر پر امریکی ثالثی کی پیشکش کا خیرمقدم

بیجنگ : چین نے مسئلہ کشمیر پر امریکی ثالثی کی پیشکش کا خیر مقدم کرتے ہوئے کہا مسئلہ کشمیر مذاکرات سے حل کرنے کی حمایت کرتا ہے، امید ہے دونوں ممالک پر امن طریقے سے مسئلہ حل کریں گے۔

تفصیلات کے مطابق تفصیلات کے مطابق چینی وزارت خارجہ کے ترجمان نے مسئلہ کشمیر پر امریکی ثالثی کی پیشکش کا خیر مقدم کیا اور کہا چین مسئلہ کشمیر مذاکرات سےحل کرنےکی حمایت کرتاہے۔

،ترجمان کا کہنا تھا امید ہے دونوں ممالک پر امن طریقےسےمسئلہ حل کرینگے، پاک بھارت دو طرفہ مسائل کے حل کے لئے اقدامات کریں گے، دونوں ممالک جنوبی ایشیا میں امن اور استحکام کیلئے کوششیں کریں۔

یاد رہے کہ امریکی صدر ڈونلڈ ٹرمپ اور وزیراعظم عمران خان کی ملاقات ہوئی تھی جس میں ٹرمپ نے کشمیر کے معاملے پر ثالثی کا کردار ادا کرنے کی پیش کش کی تھی۔

مزید پڑھیں : امریکی صدر نے کشمیر پر ثالثی کی پیشکش کر دی

امریکی صدر نے مسئلہ کشمیر پر ثالثی کی پیشکش کرتے ہوئے کہا تھا کہ مسئلہ کشمیر پر دونوں لیڈرز بڑا کردار ادا کر سکتے ہیں، آپ چاہتے ہیں کہ میں کردار ادا کروں تو میں بخوشی کروں گا، کشمیر ایک خوبصورت خطہ ہے وہاں کئی دہائیوں سے صورتحال خراب ہے جسے اب ٹھیک کرنا ہوگا۔

وزیر اعظم عمران خان کے ہمراہ میڈیا سے گفتگو کرتے ہوئے ڈونلڈ ٹرمپ نے انکشاف کیا تھا کہ بھارتی وزیر اعظم مودی نے کہا کیا آپ ثالث بنیں گے، میں نے پوچھا کس چیز کی ثالثی؟ تو بھارتی وزیر اعظم نے کہا کشمیر پر ثالثی کا کردار ادا کریں۔

Comments

comments

یہ بھی پڑھیں