The news is by your side.

Advertisement

امریکا سرمایہ کاری کو محدود کرنے سے باز رہے، چین کا انتباہ

واشنگٹن/بیجنگ: چین نے امریکا کو خبردار کیا ہے کہ وہ دونوں ممالک کے مابین سرمایہ کاری کو محدود کرنے سے باز رہے، بصورت دیگر واشنگٹن حکام کو سنگین نتائج کا سامنا کرنا پڑ سکتا ہے۔

تفصیلات کے مطابق بیجنگ میں وزارت خارجہ نے واشنگٹن سے تجارتی جنگ کے خاتمے کے لیے مذاکرات پر زور دیا گیا جس کے باعث عالمی معیشت کی ترقی میں منفی رحجان جنم لے رہے ہیں۔

غیر ملکی خبر رساں ادارے کے مطابق وزارت خارجہ کے ترجمان گینگ شوانگ نے کہا کہ امریکا اور چین کے مابین تجارتی تعلقات ختم کرنے سے دونوں ممالک کے مفادات اور لوگوں کو ٹھیس پہنچے گی۔

انہوں نے کہا کہ اس امریکی اقدام کے بعد مالی منڈی میں افراتفری پھیلے گی اور بین الاقوامی تجارت اور عالمی معاشی نمو کو خطرہ لاحق ہوگا۔

دوسری جانب وائٹ ہاس کے تجارتی مشیر پیٹر ناوروا نے امریکی اسٹاک ایکسچینج کی فہرست سے چینی کمپنیوں کو خارج کرنے سے متعلق رپورٹ کو مسترد کردیا۔

انہوں نے امریکی اسٹاک ایکسچینج سے متعلق خبر کو جعلی قرار دیا۔ وائٹ ہاﺅس کے تجاری مشیر کے بیان کے بعد چینی کمپنیاں علی بابا اور ڈی ڈاٹ کام کے شیئرز میں قدرے بہتری ریکارڈ کی گئی۔

ٹرمپ کا چینی کمپنیوں کو امریکی منڈیوں سے خارج کرنے پر غور

اس ضمن میں بتایا گیا کہ امریکی منڈی سے چین کی کمپنیوں کی بے دخلی کا امکان سرمایہ کاروں کے لیے باعث تشویش ہے۔

مقامی کمپنی کے مطابق امریکا کے اسٹاک ایکسچینج میں چینی کمپنیوں کی جانب سے 40 ارب ڈالر سے زائد کی سرمایہ کار ہے۔

واضح رہے کہ حال ہی میں غیر ملکی میڈیا نے دعویٰ کیا تھا کہ امریکی صدر ڈونلڈ ٹرمپ کی انتظامیہ چینی کمپنیوں کو امریکی اسٹاک ایکسچینج کی فہرست سے خارج کرنے کے امکانات پر غور کررہی ہے۔

Comments

comments

یہ بھی پڑھیں