The news is by your side.

Advertisement

امریکا خلا کوجنگی سرگرمیوں کا مرکز بنانے سے گریزکرے‘ چین کی وارننگ

بیجنگ: ترجمان چینی وزارت خارجہ ہوا چن ینگ نے کہا کہ خلا کو امن کا مقام رہنے دیا جائے اسلحے کے انبار مت لگائے جائیں۔

تفصیلات کے مطابق چین نے امریکا کو خبردار کرتے ہوئے کہا ہے کہ وہ خلا کوجنگی سرگرمیوں کا مرکز بنانے سے گریزکرے۔

ترجمان چینی وزارت خارجہ ہوا چن ینگ نے کہا کہ خلا کومیدان جنگ بنانا تباہ کن ہوگا، خلا کو امن کا مقام رہنے دیا جائے اسلحے کے انبار مت لگائے جائیں۔

خیال رہے کہ گزشتہ روز ڈونلڈ ٹرمپ نے امریکی فوج کی اسپیس کمانڈ کے قیام کا اعلان کرتے ہوئے کہا تھا کہ امریکا کرہ ارض کے بعد مدار پر بھی کنٹرول مضبوط کرنا چاہتا ہے۔

امریکی صدر نے وزیردفاع جمیزمیٹس کو حکم دیا تھا کہ وہ پینٹاگون کے ایک افسر کا نام اسپیس کمانڈ کے کمانڈر کے طور پرپیش کریں جو سبھی خلائی آپریشنز اور سرگرمیوں کی نگرانی کرے-

ڈونلڈ ٹرمپ کا امریکی ملٹری کواسپیس فورس کی تشکیل کا حکم


یاد رہے کہ رواں سال جون میں امریکی صدر ڈونلڈ ٹرمپ کا کہنا تھا کہ یہ بات قابل قبول نہیں ہے کہ چین اور روس کو خلا میں سبقت حاصل ہو۔

ڈونلڈ ٹرمپ کا کہنا تھا کہ یہ صرف کافی نہیں ہے کہ خلا میں امریکی موجودگی ہو بلکہ ہم پرلازم ہے کہ خلا میں امریکی غلبہ ہو۔

Comments

comments

یہ بھی پڑھیں