چین میں آئندہ جمعے سے شروع ہونے والے سرمائی اولمپکس میں ہوٹلز میں مقیم کھلاڑیوں کو روبوٹ روم سروس فراہم کریں گے۔
آپ ہوٹل میں مقیم ہوں اور کوئی چیز اپنے کمرے میں طلب کریں، کمرے کا دروازہ بجے تو دروازہ کھولنے پر روم سروس بوائے کے بجائے کوئی مشین سامنے آئے تو حیران نہ ہوں کیونکہ اب دنیا روبوٹک ورلڈ کی جانب گامزن ہورہی ہے اور کئی شعبوں میں روبوٹ انسانوں کی جگہ لے رہے ہیں۔
چین میں آئندہ جمعے سے سرمائی اولمپکس کا آغاز ہورہا ہے جس میں شرکت کے لیے دنیا بھر سے ایتھلیٹس چین پہنچ رہے ہیں، کورونا کی وبائی صورتحال میں کسی بھی نوعیت کی سنگین صورتحال سے بچنے کے لیے روم سروس پر روبوٹ تعینات کیے گئے ہیں۔
سوشل میؔڈیا پر ایک خبر رساں ادارے نے ویڈیو شیئر کی ہے جس میں دیکھا جاسکتا ہے چین کے دارالحکومت بیجنگ کے ہوٹلوں میں روبوٹ روم سروس فراہم کررہے ہیں۔
A Beijing hotel is using room service robots as the Winter Olympics approaches. Robots arrive at the guest's door, the guest types a pin code into the robot and the robot opens to reveal the food. Once the guest has taken the food out the robot closes and moves off pic.twitter.com/NRbDCvhQBg
— Reuters (@Reuters) January 27, 2022
ویڈیو کلپ میں دکھایا گیا ہے کہ روبوٹ ایک ہوٹل کے کمرے میں جاتا ہے جہاں مقیم مہمان مشین میں پن کوڈ ٹائپ کرتا ہے تو روبوٹک مشین کا دروازہ کھلتا ہے اور مہمان اسمیں موجود اپنا کھانا اٹھا لیتا ہے جس کے بعد کیبنیٹ کا دروازہ خودکار طریقے سے بند ہوجاتا ہے اور روبوٹ وہاں سے واپس چلاجاتا ہے۔
واضح رہے کہ چین میں 4فروری سے شروع ہونے والے سرمائی اولمپکس 20 فروری تک جاری رہیں گے اور مقامی میڈیا کے مطابق اس میں شرکت کے لیے دنیا بھر سے 2000 سے زائد ایتھلیٹس کی آمد متوقع ہے۔