The news is by your side.

Advertisement

چین امریکا تعلقات میں کشیدگی ختم کرنے کے لیے اہم اقدامات

واشنگٹن: چین امریکا تعلقات میں کشیدگی ختم کرنے اور باہمی تعلقات کو مربوط بنانے کے لیے امریکی وزیر دفاع جیمز میٹس آئندہ ہفتے چین کا دورہ کریں گے۔

تفصیلات کے مطابق دونوں ملکوں کے درمیان سخت تجارتی جنگ جاری ہے، اس دوران دونوں ملکوں کی جانب سے ایک دوسرے کی مصنوعات پر اضافی محصولات بھی عائد کیے گئے ہیں۔

غیر ملکی خبر رساں ادارے کے مطابق امریکی وزیر دفاع جیمز میٹس نے اپنے بیان میں کہا ہے کہ وہ آئندہ ہفتے دورہ چین کے موقع پر ہم منصب سے ملاقات کریں گے۔

ان کا کہنا تھا کہ چینی وزیر دفاع وینگ ھی کے علاوہ چین کے دیگر اعلیٰ عہدیداروں سے بھی ملاقاتیں ہوں گی، چین سے کشیدہ تعلقات اور دشمنی نہیں چاہتے۔

تجارتی جنگ: امریکا نے چینی درآمدات پر دوسری مرتبہ اضافی ٹیکس عائد کردیے

خیال رہے کہ رواں سال جون میں امریکا نے پہلی مرتبہ چینی مصنوعات پر چونتیس بلین ڈالر کے اضافی محصولات عائد کیے تھے جس کے فوری ردعمل میں چین نے امریکی مصنوعات پر ساٹھ بلین ڈالر کے اضافی ٹیکس عائد کرنے کا اعلان کیا تھا۔

یاد رہے کہ رواں سال اگست میں امریکی حکام کی جانب سے چینی درآمدات پر مزید 16 ارب ڈالر کے اضافی ٹیکس عائد کیے تھے۔

بعد ازاں امریکی اضافی محصولات کے جواب میں چین نے بھی بلاتاخیر امریکی منصوعات پر 16 ارب ڈالر کے اضافی ٹیکس عائد کردیے تھے۔

دونوں ملکوں کے درمیان اس وقت شدید تجارتی جنگ جاری ہے، عالمی ماہرین کا کہنا ہے کہ اس جنگ سے معیشت پر منفی اثرات مرتب ہوں گے۔

Comments

comments

یہ بھی پڑھیں