بیجنگ : چین نے ہائی ریزولوشن آپٹیکل ارتھ آبزرویشن سیٹلائٹ "گاؤفن 12 04” کو خلا میں روانہ کردیا ہے۔

ژنہوا ایجنسی کی خبر کے مطابق سیٹلائٹ کو لانگ مارچ فوربی کیریئر راکٹ کے ذریعے ملک کے شمال مغرب میں چوکیو این سیٹلائٹ سینٹر سے لانچ کیا گیا۔

بتایا گیا ہے کہ سیٹلائٹ نے اپنی منصوبہ بند مدار پوزیشن کی جانب رخ اختیار کرلیا ہے۔ لانچ لانگ مارچ راکٹوں کے ساتھ 483 واں کامیاب ٹرانسپورٹ مشن تھا۔

سیٹلائٹ کا مقصد کیڈسٹری، شہری منصوبہ بندی، روڈ نیٹ ورک ڈیزائن، فصل کی پیشن گوئی، ماحولیاتی انتظام اور آفات کی نگرانی اور روک تھام میں استعمال کیا جانا ہے۔

چین نے پہلی بار 2010 میں خلا سے زمین کا واضح مشاہدہ کرنے کے لیے گاؤفن سیٹلائٹ تیار کرنا شروع کیا تھا اور پہلا سیٹلائٹ گاؤفن-1 2013 میں خلا میں بھیجا گیا تھا۔

گاؤف کے33 سیٹلائٹس جن کے نام کا مطلب چینی زبان میں "ہائی ریزولیوشن” ہے اب بھی فعال ہیں۔ اس سے قبل چین نے گزشتہ سال دسمبر میں دو مانیٹر سیٹلائٹ خلا میں بھیجے تھے، جس کا مقصد ان سیٹلائٹس کو خلائی ماحول کی نگرانی کے لیے استعمال کیا جانا تھا۔