بیجنگ: چینی صدر شی چن پنگ آئندہ ہفتے سرکاری دورے پر روس جائیں گے اور اپنے روسی ہم منصب ولادیمیر پیوٹن سے ملاقات کریں گے۔
غیر ملکی میڈیا رپورٹ کے مطابق چینی وزارت خارجہ نے بتایا کہ چینی صدر شی چن پنگ 20مارچ کو روسی صدر کی دعوت پر ماسکو کا دورہ کریں گے جہاں دونوں اسٹریٹجک تعاون پر تبادلہ خیال کرینگے۔
At the invitation of President Vladimir Putin of the Russian Federation, President Xi Jinping will pay a state visit to Russia from March 20 to 22. 🇨🇳🇷🇺
— Hua Chunying 华春莹 (@SpokespersonCHN) March 17, 2023
چینی وزارت خارجہ کے مطابق دونوں رہنما "اہم دو طرفہ دستاویزات” پر بھی دستخط کریں گے، ساتھ ہی بین الاقوامی مارکیٹ میں روسی چین تعاون کو مزید گہرا کرنے کے تناظر میں خیالات کا تبادلہ ہوگا۔
واضح رہے کہ چین نے روس کے ساتھدوستی کا اعلان کیا تھا اور ماسکو کے حملے کی مذمت کرنے سے انکار کر دیا تھا، بیجنگ نے مغربی پابندیوں کی مذمت کرتے ہوئے نیٹو اور امریکا پر روس کو اکسانے کا الزام لگایا تھا۔
