The news is by your side.

Advertisement

سی پیک منصوبہ، 16 ہزار نوجوانوں کو روزگار ملے گا، چینی سفیر

گوادر : پاکستان میں چین کے سفیر سن وی ڈونگ نے کہا کہ پاک چین اقتصادی راہداری سے دونوں ممالک میں خوشحالی کے نئے دور کا آغاز ہو گا۔

وہ گوادر بندر گاہ پر پہلے میگا پائلٹ ٹریڈکارگوکی روانگی سے متعلق تقریب سے خطاب کررہے تھے انہوں نے کہا کہ آج ایک سنگ میل طے کر لیا گیا ہے کیونکہ یہ پہلا قافلہ ہے جو پاکستان کے مغربی علاقے سے داخل ہوا اور جسے پاکستان اور چین نے مل کر گوادر تک پہنچایا ہے۔

انہوں نے کہا کہ عظیم سی پیک منصوبہ تمام چینی اور پاکستانی اداروں کی کوشش سے ممکن ہوا ہے جس سے پاک چین تعلقات کو مزید فروغ ملے گا اور اس منصوبے سے پاکستان اور خطے کی عوام کو روزگار سمیت بلند طرز زندگی اور بہت سے دیگر فوائد حاصل ہوں گے۔

  اسی سے متعلق : سی پیک منصوبہ حقیقت کا روپ دھار رہا ہے، نواز شریف 

سن وی ڈونگ نے تفصیلات بتاتے ہوئے کہا کہ اقتصادی راہداری منصوبے سے ترقی اور خوشحالی اب دور نہیں ہے اس منصوبے کے تحت 16 ذیلی منصوبوں سے 10ہزار سے زائد نوجوانوں کو روگار ملے گا۔

انہوں نے مزید کہا کہ تقریب میں وزیر اعظم نواز شریف اور آرمی چیف جنرل راحیل شریف کی شرکت ہمارے لیے خوشی قسمتی کا باعث ہے ،پاکستان اور چین کی دوستی ایسے ہی بڑھتی رہے گی۔

اس موقع پر انہوں نے منصوبے کی تکمیل میں تعاون، رہنمائی اور سیکیورٹی پر وزیر اعظم پاکستان نواز شریف اور آرمی چیف راحیل شریف کا شکریہ ادا کرتے ہوئے کہا کہ سی پیک منصوبہ منفرد اور جدید ترین منصوبہ ہے جس سے دونوں ممالک ترقی کی نئی راہ پر گامزن ہو گا اور خوشحالی کے نئے دور کا آغاز ہو گا۔

چینی سفیر نے مزید کہا کہ پائلٹ پروجیکٹ کی تکمیل پر ایف ڈبلیو اواور سی پیک منصوبے کو سیکیورٹی دینے پر قانون نافذ کرنے والے اداروں کے بھی شکر گزار ہیں ۔

Print Friendly, PDF & Email

Comments

comments

یہ بھی پڑھیں