چینی ڈاکٹرز کا کارنامہ، بازو پر اگنے والا کان صحیح جگہ لگادیا -
The news is by your side.

Advertisement

چینی ڈاکٹرز کا کارنامہ، بازو پر اگنے والا کان صحیح جگہ لگادیا

بیجنگ: چین کے ڈاکٹرز نے بازو پر اگائے جانے والے مصنوعی کان کو آپریشن کر کے اُس کی صحیح جگہ پر لگا دیا۔

برطانوی اخبار کے مطابق کار حادثے میں شدید زخمی ہونے والے مسٹر جی نامی شخص کے ہاتھ میں اگائے جانے والے مصنوعی کان کو چین کے ماہر ڈاکٹرز نے اُس کی اصل جگہ پر لگا دیا۔کاسمیٹک سرجری کے مشہور سرجن نے اس آپریشن میں خود بھی حصہ لیا۔

ear-post-1

طبی ماہرین کا کہنا ہے کہ چہرے پر لگائے جانے والے کان میں خون کی روانی شروع ہوگئی جو آپریشن کے کامیاب ہونے کا واضح اشارہ ہے، طبی ٹیم نے آپریشن کی ویڈیو بھی جاری کی ہے تاہم صحافتی اداب کو مدنظر رکھتے ہوئے اُسے خبر میں شامل نہیں کیا جارہا۔

ear-post-3

چار ماہ قبل ڈاکٹروں نے مسٹر جی کی پسلی کی ہڈی کو لے کر اسے انسانی کان کی صورت میں کاٹا اور پھر اسے بازو کے کھال کے اندر ٹرانسپلانٹ کر دیا۔ کان کو اُگانے کا یہ آپریشن تین مرحلوں پر مشتمل تھا جو تمام کے تمام ژیان جیاتونگ یونی ورسٹی کے ہسپتال میں ہوئے۔

ear-post-2

یاد رہے مسٹر جی 2015 میں ایک کار حادثے میں شدید زخمی ہوئے تھے جس کے باعث اُن کے جسم کا دایاں حصہ بری طرح متاثر ہوا اور وہ ایک کان سے محروم بھی ہوگئے تھے۔

ear-post-4

حادثے سے متاثر ہونے والے شخص نے چہرے اور جسم کو بہتر بنانے کے لیے کئی آپریشنز بھی کروائے جن میں وہ کامیاب رہے مگر وہ اپنے کان کے محروم ہونے پر شدید رنجیدہ تھے۔

ear-post-5

Comments

comments

یہ بھی پڑھیں