The news is by your side.

Advertisement

کورونا کیخلاف حکمت عملی، چینی سفیر کا این سی او سی کو زبردست خراجِ تحسین پیش

اسلام آباد:چینی سفیر نونگ رونگ نے کورونا کے خلاف حکمت عملی پر این سی او سی کو زبردست خراجِ تحسین پیش کرتے ہوئے کہا ، سائینوفارم کو ہنگامی استعمال کا اجازت نامہ دینے پر پاکستان کے مشکور ہیں۔

تفصیلات کے مطابق چینی سفیر نونگ رونگ نے نیشنل کمانڈ اینڈ آپریشن سینٹر (این سی او سی) کو زبردست خراجِ تحسین پیش کرتے ہوئے کہا کورونا کے خلاف این سی او سی کی حکمت عملی قابل ستائش ہے، این سی او سی کی عوام کی جانیں بچانے کی کاوشیں قابل تعریف ہیں، پاک چین دوستی زندہ باد۔

چینی سفیر کا کہنا تھا کین سائینو کے کلینیکل ٹرائلز کی منظوری پر پاکستان کے مشکور ہیں، سائینوفارم کو ہنگامی استعمال کا اجازت نامہ دینے پر پاکستان کے مشکور ہیں، پاکستان چین کا قریبی دوست ملک ہے۔

اس سے قبل چینی سفیرنونگ رونگ نے نور خان ایئربیس پر میڈیا سے گفتگو کرتے ہوئے کہا کہ پاکستان چین سےکوروناویکسین کاعطیہ لینےوالاپہلاملک ہے، ویکسین کی فراہمی پاکستان چین لازوال دوستی کی مثال ہے۔

نونگ رونگ کا کہنا تھا کہ پاکستان چین کےسفارتی تعلقات کو70سال ہوچکےہیں، چین کوپاکستان کےساتھ دوستی پرفخرہے، پاکستان چین دوستی پہاڑوں سے بلند اور سمندروں سےگہری ہے، چین پاکستان کوہرشعبہ زندگی میں تعاون فراہم کرےگا، خوشی ہےپاکستان صحت کےشعبےمیں تیزی سےآگے بڑھ رہاہے۔

کوروناکےخلاف مشترکہ جنگ میں پاک چین تعلقات گہرے اور سی پیک منصوبےسےپاک چین دوطرفہ تعلقات مزیدمستحکم ہوئے، چین پاکستان کی سماجی ترقی اور معاشی بحالی اور کوروناوبا سے نمٹنےکیلئے تعاون کو تیارہے اور چین دونوں ممالک کےعوام کےروشن مستقبل کےتعاون کیلئےپرعزم ہے۔

Comments

یہ بھی پڑھیں