The news is by your side.

Advertisement

پاک چین اقتصادی راہداری ترقی اورخوشحالی کی راہداری ہے‘ چینی سفیر

اسلام آباد : چینی سفیر سن وی ڈونگ کاکہناہےکہ سی پیک صرف پاکستان اور چین کےلیے ہی نہیں پورے خطے کی ترقی کا باعث بنےگا۔

تفصیلات کےمطابق وفاقی دارالحکومت اسلام آباد میں سی پیک سے متعلق سیمنار سے خطاب کرتے ہوئےچینی سفیرسن وی ڈونگ کا کہنا تھا کہ اب ترقی علاقائی روابط کے ذریعے ہی ممکن ہے۔

انہوں نے کہاکہ پاک چین اقتصادی راہداری سے نہ صرف علاقائی سرگرمیوں کوفروغ ملے گا بلکہ خطے میں ترقی کا عمل بھی تیزہوگا۔

دوسری جانب صدر ممنون حسین نےپاک چین اقتصادی راہدری سے متعلق سیمینار سے خطاب کرتے ہوئےکہاکہ سی پیک سےنہ صرف ملک بلکہ خطے میں معاشی انقلاب آئے گا۔

انہوں نے تعلیمی اداروں اور سائنسدانوں پرزوردیا کہ وہ ملک کو درپیش چیلنجوں پر قابو پانے کیلئے اپنا کردار ادا کریں۔


مزید پڑھیں: پاک چین راہداری پورے خطے میں خوشحالی لائے گی، نواز شریف


وفاقی وزیر برائے دفاعی پیداواررانا تنویر حسین نے سیمینار سے خطاب کرتے ہوئے کہاکہ چین پاکستان اقتصادی راہداری سے خطے میں اقتصادی سرگرمیوں کو فروغ ملےگا اور علاقائی معیشت مستحکم ہوگی۔

رانا تنویر حسین کاکہناتھاکہ اس منصوبے سے نہ صرف پاکستان اور چین بلکہ پورے خطے کو فائدہ ہوگا۔انہوں نےکہاکہ ملک کی نوجوا ن نسل کوپاک چین اقتصادی راہداری کو کامیاب منصوبہ بنانے کےلیے اپنا کردار ادا کرنا ہوگا۔

واضح رہےکہ وفاقی وزیربرائے دفاعی پیداوار رانا تنویر حسین کاکہناتھاکہ چین اور پاکستان کے تعلقات نہ صرف پوری دنیا کےلیے مثال ہیں بلکہ خطے میں امن کا ضامن بھی ہیں۔

Print Friendly, PDF & Email

Comments

comments

یہ بھی پڑھیں