اسلام آباد : چینی حکام نے مسافروں کیلئے کوروناایس اوپیزتبدیل کردیے، پورٹل سےٹیسٹ نتائج لینے،تصدیق کے طریقوں میں تبدیلی کی گئی ہے۔
تفصیلات کے مطابق چین جانے والے مسافروں کیلئے چینی حکام نےکوروناایس اوپیزتبدیل کردیے، اس سلسلے میں چینی سفیر نے پی آئی اےکےچیف فلائٹ سرجن کوخط لکھا۔
جس میں کہا گیا ہے کہ نئےایس اوپیزکےنفاذسےغیرمصدقہ رپورٹس کاخاتمہ کردیاگیاہے ، پورٹل سےٹیسٹ نتائج لینے،تصدیق کےطریقوں میں تبدیلی کی گئی ہے ، نمونے کے ٹیسٹوں کے حوالے سے زیادہ سخت ایس اوپیز لاگو کیے جا سکتے ہیں۔
اینٹی باڈی ٹیسٹ کےحامل مسافروں کیلئے گرین ہیلتھ کوڈ جاری کیا جاسکتا ہے، حتمی ثبوت نہ ہونے تک ہیلتھ کوڈ مسافروں کی بورڈنگ سے انکار نہ کیا جائے۔
یاد رہے چند روز قبل ملک میں کورونا کی بگڑتی صورت حال کے پیش نظر سول ایوی ایشن اتھارٹی(سی اے اے) نے نیا سفری ہدایت نامہ جاری کیا تھا، نئی ٹریول ایڈوائزری کے تحت کیٹیگری ‘سی’ میں شامل 23 ممالک کے مسافروں کی آمد پر پابندی کی مدت میں توسیع کردی گئی تھی۔
کیٹیگری سی ممالک سے مسافروں کی آمد پر سفری پابندیاں 30اپریل تک نافذالعمل رہیں گی۔
