The news is by your side.

Advertisement

چینی قونصل جنرل کا ایدھی ہیڈ آفس کا دورہ

کراچی: چینی قونصل جنرل وانگ یو نے ایدھی میٹھادر ہیڈ آفس کا دورہ کیا، دورے میں ان کے ساتھ وائس قونصل جنرل بھی تھے۔

تفصیلات کے مطابق چینی قونصل جنرل اور وائس قونصل جنرل نے ایدھی آفس کے دورے کے دوران ایدھی فاؤنڈیشن کے سربراہ فیصل ایدھی سے ملاقات کی۔

چینی قونصل جنرل نے بچوں کے ایدھی ہوم کا دورہ کرتے ہوئے ایدھی فاؤنڈیشن کی سرگرمیوں اور اقدامات کو سراہا، وانگ یو کا کہنا تھا کہ انسانی خدمت کی یہ سرگرمیاں قابل تعریف ہیں۔

یاد رہے کہ رواں سال فروری میں چینی قونصل خانے نے امن فاؤنڈیشن کے ساتھ شراکت داری کی ہے جس کا مقصد جان بچانے والی ایمبولینس پروگرام کی معاونت تھی۔

اس شراکت داری کا اعلان امن فاؤنڈیشن کے ہیڈ آفس میں خواتین کو خود مختار بنانے کا پروگرام لانچ کرتے وقت کیا گیا تھا جس میں چینی قونصل جنرل وانگ یو اور وزیر اطلاعات ناصر حسین شاہ نے بھی شرکت کی۔

لندن کے ٹرافلگر اسکوائر پر عبدالستارایدھی کا فن پارا تیار


چینی قونصل جنرل کا کہنا تھا کہ چین پاکستان میں ترقی کے عمل میں اپنی خدمات پیش کرنے پر بہت زیادہ توجہ دیتا ہے، اسی سلسلے میں پاکستان میں چین کی معاونت سے سی پیک کے تحت متعدد ٹرانسپورٹ اور توانائی کے منصوبوں کی تکمیل عمل میں آئی۔

وانگ یو کا کہنا تھا کہ جیسے جیسے چینی صنعت کا پاکستان کے اندر نفوذ بڑھتا ہے تو چینی کاروبار کے لیے زیادہ ضروری ہوتا جائے گا کہ وہ مقامی آبادیوں کی بہبود کے لیے بھی اپنا کردار ادا کرے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں