The news is by your side.

Advertisement

چینی قونصلیٹ پر حملے کا ماسٹر مائنڈ اسلم عرف اچھو کا سراغ مل گیا

کراچی: چینی قونصلیٹ پر حملے کا ماسٹر مائنڈ اسلم عرف اچھو کا سراغ مل گیا، بی ایل اے گروپ کا کمانڈر اسلم عرف اچھو بھارت میں زیر علاج ہے۔

ذرائع کے مطابق چینی قونصلیٹ پر حملے کا ذمہ دار اسلم عرف اچھو کا سراغ مل گیا ہے، اسلم عرف اچھو کالعدم تنظیم بی ایل اے کے ایک گروپ کا کمانڈر ہے۔

ذرائع کے مطابق دہشت گردوں کا رابطہ بھارت میں موجود اسلم عرف اچھو سے تھا، اسلم عرف اچھو بھارت میں زیر علاج ہے، بی ایل اے کمانڈر میکس اسپتال دہلی میں زیر علاج ہے۔

دوسری جانب چینی قونصلیٹ پر حملے کی تحقیقات میں پیش رفت ہوئی ہے، قانون نافذ کرنے والے اداروں نے دہشت گردوں کے زیر استعمال گاڑی کا سراغ لگاتے ہوئے شاہراہ قائدین پر واقع شوروم پر چھاپہ مار کر 2 افراد کو حراست میں لیا ہے۔

ذرائع کے مطابق گاڑی کے مالک نے جس شوروم پر گاڑی فروخت کی وہاں چھاپہ مارا گیا، گاڑی بعد میں چھینی گئی، چوری ہوئی یا فروخت ہوئی، تحقیقات جاری ہیں۔

مزید پڑھیں: کراچی: چینی قونصلیٹ پر حملہ، دہشت گردوں کی شناخت ہوگئی

واضح رہے کہ چینی قونصلیٹ پر حملہ کرنے والے تینوں دہشت گردوں کی شناخت ہوگئی، ایک حملہ آور کی شناخت خاران کے رہائشی رزاق کے نام سے ہوئی، دوسرے دہشت گرد کی شناخت ازل خان مری عرف سنگت دادا کے نام سے کی گئی جبکہ تیسرے حملہ آور کی شناخت رئیس بلوچ کے نام سے ہوئی ہے۔

حملہ آوروں کی شناخت کے بعد سندھ حکومت نے بلوچستان حکومت سے رابطے کا فیصلہ کیا ہے جس میں دہشت گردوں سے متعلق معلومات شیئر کی جائیں گی۔

یاد رہے کہ چینی قونصلیٹ پر حملے کی ذمہ داری بھارت نواز کالعدم تنظیم بی ایل اے نے قبول کی ہے۔

Comments

comments

یہ بھی پڑھیں