تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

چینی جوڑے کے سامان سے 200 زندہ لال بیگ برآمد

بیجنگ: چینی کسٹم حکام نے 25 نومبر کو ائیرپورٹ پر سامان کی تلاشی کے دوران ایک جوڑے کے بیگ سے 200 زندہ لال بیگ برآمد کرلیے۔

تفصیلات کے مطابق چین کے گوائنڈائیرپورٹ پر کسٹم حکام نے ایک جوڑے کو روک کر سامان چیک کروانے کا حکم دیا تو انہوں نے صاف انکار کردیا تاہم جب بیگ کھلا تو کسٹم حکام حیران رہ گئے۔

کسٹم حکام کے مطابق مسافروں کا بیگ جب زبردستی کھولنے کی کوشش کی گئی تو خاتون نے چیخ پکار شروع کردی تاہم جب اُن کا سامان کھولا گیا تو اُس  کے اندر سفید رنگ کی تھیلی میں 200 زندہ لال بیگ موجود تھے۔

ائیرپورٹ پر پکڑے جانے والے مسافر نے کسٹم حکام کے سامنے تفتیش میں مؤقف اختیار کیا کہ اُس کی اہلیہ جلدی مرض میں مبتلاء ہیں اور وہ ان لال بیگوں کو علاج کی غرض سے لے جارہا تھا۔

عالمی قوانین کے تحت زندہ جانوروں کو قید کر کے سفر کی اجازت نہیں دی جاتی اسی وجہ سے کسٹم حکام نے جوڑے سے تمام لال بیگوں کو آزاد کروایا اور پھر انہیں سفر کی اجازت دی۔

واضح رہے کہ اس طرح کا انوکھا واقعہ پہلی بار پیش نہیں آیا بلکہ سن 2011 میں لاس اینجلس ائیرپورٹ پر مسافروں سے بیگ سے 240 زندہ مچھلیاں برآمد ہوئی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

- Advertisement -