تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا وائرس کا خطرہ، آخری موقع پر شادی روک دی گئی

بیجنگ: چینی حکام نے کرونا وائرس کی وجہ سے نوجوان کو شادی کرنے سے روکتے ہوئے لوگوں کو ہدایت کی ہے کہ وہ کسی بھی تقریب میں شرکت نہ کریں۔

میڈیا رپورٹ کے مطابق چین کے نوجوان نے اپنی شادی کے لیے دو فروری کی تاریخ کا انتخاب کیا، دلہا دلہن اور اُن کے اہل خانہ کا ماننا تھا کہ یہ دن دونوں خاندانوں کے لیے خوش قسمت ہے۔

لڑکے اور لڑکی کے اہل خانہ نے شادی دھوم دھام سے کرنے کا اعلان کیا، تقریب میں شرکت کے لیے مہمانوں کو کارڈ بھی تقسیم کیے گئے البتہ دو روز قبل اچانک چینی حکام نے شادی کو ملتوی کرنے کی ہدایت کی۔

مزید پڑھیں: کرونا وائرس سے ہلاک افراد کی تعداد 304 ہوگئی، فلپائن میں بھی 1 شخص ہلاک

چینی حکام کا کہنا تھا کہ کرونا وائرس پھیلنے کے خدشے کے پیش نظر لوگوں کو کسی بھی تقریب حتیٰ کہ آخری رسومات میں بھی شرکت سے گریز کرنا چاہیے۔

یاد رہے کہ چین سے پھیلنے والے کرونا وائرس کی وبا شدت اختیار کرچکی ہے، اب تک صرف چین میں ہی 300 سے زائد مریض اپنی جانوں کی بازی ہار چکے جبکہ 15000 سے زائد متاثر بھی ہیں جن میں سے دو ہزار سے زائد کی حالت تشویشناک ہے۔

عالمی ادارہ صحت نے کرونا کی وجہ سے دنیا بھر میں ایمرجنسی نافذ کردی جبکہ متعدد ممالک نے چین سے ہر قسم کے رابطے بھی ختم کردیے۔

یہ بھی پڑھیں:  کرونا وائرس کا پہلا مریض صحت یاب

کرونا وائرس نے سب سے زیادہ ووہان شہر کو متاثر کیا، حکومت نے اس شہر کو مکمل سیل کردیا ہے اور اب صورتحال یہ ہے کہ ایک کروڑ سے زائد آبادی والے شہر میں سناٹا چھایا ہوا ہے۔

Comments

- Advertisement -