کولمبو: چین کی دواساز کمپنی سائنوویک بائیو ٹیک سری لنکا میں ویکسین کا پلانٹ لگانے جارہی ہے۔
میڈیا رپورٹ کے مطابق یہ پلانٹ جنوبی صوبے کے ضلع ہمبن ٹوٹا میں دواسازی کے مخصوص مینوفیکچرنگ زون میں قائم کیا جائیگا، چین میں سری لنکا کے سفیر سفیر پالیتھا کوہونا نے تصدیق کردی ہے۔
رپورٹ کے مطابق سری لنکا کی اسٹیٹ فارماسیوٹیکل کارپوریشن (ایس پی سی) نے سری لنکا میں نوول کرونا وائرس ویکسین کی بڑھتی ہوئی طلب کے پیش نظر رواں سال کے آغاز پر زون میں ویکسین پلانٹ لگانے کے بارے چینی حکومت سے رابطہ کیا تھا۔
چین میں سری لنکا کے سفیر سفیر پالیتھا کوہونا نے بتایا کہ ایس پی سی اور سائنوویک نے معاہدے کو حتمی شکل دیدی ہے اور فی الحال پلانٹ کی ڈیکلریشن پر کام کیا جا رہا ہے۔
یہ بھی پڑھیں: ننھے بچے کرونا وائرس کے پھیلاؤ کا سبب
میڈیا رپورٹ کے مطابق اس معاہدے سے کولمبو نوول کرونا وائرس ویکسین کی تقریباً 90 لاکھ خوراکیں بنانے کا آغاز کرسکے گا۔
واضح رہے کہ سائنو ویک ویکسین ان دو چینی ویکسینز میں سے ایک ہے جن کی عالمی ادارہ صحت نے اپنی ہنگامی استعمال کی فہرست کے تحت منظوری دے رکھی ہے۔
