آرمی چیف جنرل قمر جاوید باجوہ نے کہا ہے کہ عالمی برادری کو وژن اور حکمت عملی سے چیلنجز کا حل تلاش کرنا ہوگا۔
آئی ایس پی آر کے مطابق آرمی چیف قمر جاوید باجوہ سے چین کے وزیر خارجہ وانگ ژی نے ملاقات کی اس موقع پر باہمی دلچسپی کےامور، علاقائی سلامتی کےمعاملات اور دوطرفہ دفاعی تعاون کےفروغ پر تبادلہ خیال کیا گیا۔
چینی وزیر خارجہ وانگ ژی نے علاقائی استحکام میں پاکستان کےکردار کو سراہا اور کہا کہ دنیا علاقائی امن واستحکام کیلئےپاکستان کی کوششوں کا اعتراف کرے۔ انہوں نے کہا کہ پاک چین تعلقات خیال کی ہم آہنگی، باہمی احترام پرمبنی ہیں اور چین باہمی خوشحالی پریقین رکھتاہے۔
آئی ایس پی آر کے مطابق اس موقع پر چینی وزیر خارجہ نے چینی وزیرخارجہ نےاو آئی سی کانفرنس کی میزبانی پر پاکستان کو سراہا اس کے ساتھ ہی پاک فوج کی پیشہ ورانہ صلاحیتوں کو سراہا اور سی پیک کو فراہم سیکیورٹی کی بھی تعریف کرتے ہوئے ہر سطح پر پاکستان سے تعاون کیلیے بھرپور کردار کا اظہار کیا۔
آئی ایس پی آر کے مطابق آرمی چیف جنرل قمر جاوید باجوہ نے کہا کہ چیلنجز خطے کے امن واستحکام کیلیے بہت اہم ہیں اور عالمی برادری کو وژن اور حکمت عملی سے چیلنجز کا حل تلاش کرنا ہوگا۔
جنرل قمر جاوید باجوہ نے او آئی سی کانفرنس کو افغان مسائل سے نمٹنے کیلئے تاریخی قراردیتے ہوئے کہا کہ افغانستان میں انسانی بحران سے نمٹنا بہت اہم ہے۔
