وزیراعظم عمران خان سے چینی وزیر خارجہ کی ملاقات، عالمی معاملات پر تبادلہ خیال imran khan
The news is by your side.

Advertisement

وزیراعظم عمران خان سے چینی وزیر خارجہ کی ملاقات، عالمی معاملات پر تبادلہ خیال

اسلام آباد: وزیراعظم عمران خان سے چینی وزیر خارجہ وانگ ژی نے وفد کے ہمراہ ملاقات کی، جس میں علاقائی صورتحال اور عالمی معاملات پر تبادلہ خیال کیا گیا۔

تفصیلات کے مطابق وزیراعظم عمران خان سے چینی وزیر خارجہ وانگ ژی نے وفد کے ہمراہ ملاقات کی، چینی وزیر خارجہ نے عمران خان کو وزارت عظمیٰ کا منصب سنبھالنے پر مبارکباد پیش کی۔

وانگ ژی نے اپنی قیادت کی طرف سے نئی حکومت کے لیے نیک خواہشات کا پیغام دیتے ہوئے کہا کہ چینی قیادت نئی حکومت کے ساتھ مل کر کام کرنے کی خواہاں ہے۔

وزیراعظم عمران خان نے کہا کہ چین کے ساتھ دوستی پاکستان کی خارجہ پالیسی کا ستون ہے، حکومت پاکستان سی پیک منصوبوں پر عملدرآمد کے لیے پرعزم ہے۔

مزید پڑھیں: چینی وزیرخارجہ وانگ ژی کی شاہ محمود قریشی سے ون آن ون ملاقات

واضح رہے کہ گزشتہ روز وزیر خارجہ شاہ محمود قریشی سے بھی چینی وزیر خارجہ نے ملاقات کی تھی، ملاقات میں چین نے پاکستان کی معیشت کے استحکام کے لیے عزم کا اظہار کیا جبکہ شاہ محمود قریشی کا کہنا تھا کہ سی پیک حکومت کی اولین ترجیح ہے۔

فریقین نے اسٹریٹیجک تعاون پر مبنی شراکت داری کو مزید مستحکم کرنے کے عزم کو دہرایا جبکہ چین نے پاکستان کے معاشی استحکام کے لئے حمایت جاری رکھنے کا اظہار کیا۔

وزیر خارجہ شاہ محمود قریشی کا کہنا تھا کہ سی پیک پاکستان کی سماجی اورمعاشی ترقی کے لیے اہم ہے، سی پیک موجودہ حکومت کے لیے اولین ترجیح ہے۔

Comments

comments

یہ بھی پڑھیں