محبت کی ماری چین کی ڈولی محبوب کی تلاش میں علی پور پہنچ گئی -
The news is by your side.

Advertisement

محبت کی ماری چین کی ڈولی محبوب کی تلاش میں علی پور پہنچ گئی

علی پور: چینی لڑکی ڈولی محبوب کی تلاش میں علی پور پہنچ گئی اور سڑکوں پر زار وقطار روتی سیکیورٹی رسک بن گئی۔

تفصیلات کے مطابق چین کی لڑکی ٹین ڈو می عرف ڈولی نے اپنے ملک چین اپنے محبوب کے بغیر جانے سے انکار کر دیا اور دوبارہ گذشتہ روز علی پور پہنچ گئی، بتایا جاتا ہے کہ ڈولی کا چین کے میڈیکل کالج میں داخل ایک پاکستانی لڑکے محمد امین جتوئی سے یارانہ ہوا جبکہ ڈولی اس کالج میں بطور کلرک کام کرتی تھی۔ دونوں کی دوستی پروان چڑھی۔ اور دونوں میں قربتیں پیار و محبت میں بدل گئی۔

گذشتہ روز ڈولی نے ٹوٹی پھوٹی انگریزی میں بتایا کہ وہ دو بہنیں ہیں، ماں باپ مر چکے ہیں، محمد امین کی محبت میں اندھی ہوئی اور اپنا گھر بار اور زمین بھی فروخت کر کے شادی کے سہانے سپنے دیکھے اور رقم بھی اپنے محبوب کو دی لیکن وہ اچانک غائب ہو گیا۔

ڈولی نے بتایا کہ وہ امین جتوئی کی تلاش میں پاکستان آئی لیکن تاحال اسے اپنا محبوب نہ مل سکا ہے، ڈولی کو سخت سیکیورٹی میں بیس رو قبل علی پور سے لاہور پہنچا دیا گیا تھا،جہاں سے اسے واپس چین بھجوانے کا بندوبت کیا گیا لیکن اس نے جانے سے انکار کر دیا۔ اور اب دوبارہ علی پور اپنے محبوب کی تلاش میں آ گئی۔

گذشتہ روز سارا دن ڈولی شہر بھر کی سڑکوں پر روتی پھرتی رہی اور لوگوں کی توجہ کا مرکز بنی رہی، ستم یہ ہے کہ اسے پولیس یا کسی اور ادارہ نے تاحال کوئی سیکیورٹی فراہم نہیں کی ہے، جس سے کوئی بھی نا خوشگوار واقعہ رونما ہو سکتا ہے، رات گئے مقامی این جی او کی خاتون زرینہ بی بی اسے اپنے ساتھ گھر لے گئی ہے۔

Comments

comments

یہ بھی پڑھیں